ËY 152
Ja tëjk mä myaˈˈawdatäˈäny
(1 Reyes 8:27; 1 Crónicas 29:14)
1. Jyobaa mä myajpääty jantsy oy tsuj jam
ets jantsy mëjwindum mä jam mˈity.
Päätyë yäˈädë tëjk diˈibë të kyojy,
kyaj ninuˈun tkamëbääty mä mˈity.
Per yää mäjëts mijts nˈawdatäˈändë,
pääty tunë mayˈäjtën kunuˈkx.
Parëts tuˈugyë nˈittët mä ja mdëjk
ets nmëdundët agujk jotkujk.
(PUENTE)
Yäˈädë tëjk të yajkojy
mët mijts ja mnaybyudëkë,
ets tijatyëts të nyaktë
mijts mjaˈäjtaapy Jyobaa.
(DIˈIB YAˈËËWËMBIJTP)
Dyoskuyëm Jyobaa ko mˈoyjyaˈayëty,
pääty yam myajkuyˈëy myajkuyyaˈaxy.
Pes jantsy tsuj ja tëjk të yˈoˈoyëtyaˈay
mäjëts mijts nˈawdatäˈändë tyam.
2. Jyobaa yääjëts mijts nˈawdatäˈändë
ets yääts nmëdowäˈändë mˈayuk
parëts mbäät njukyˈattë winë xëëw,
ets nmëdundë agujk jotkujk.
Pudëkë pënaty mˈixyˈatanëp
ets myindët nanduˈun mä mjëën ndëjk.
Duˈunën myëjwindëkët niˈigyë mduunk
extëm ojts tniˈanaˈamë mˈUˈunk.
(PUENTE)
Päätyëts të ndundë yä
parë mijts myaˈˈawdatët
ets nanduˈun mëjpëtsëmët
kojëts nduˈukmuktët yää.
(DIˈIB YAˈËËWËMBIJTP)
Dyoskuyëm Jyobaa ko mˈoyjyaˈayëty,
pääty yam myajkuyˈëy myajkuyyaˈaxy.
Pes jantsy tsuj ja tëjk të yˈoˈoyëtyaˈay
mäjëts mijts nˈawdatäˈändë tyam.