Tijaty yajtukˈawäˈänëdëp pënaty asambleeˈatandëp

PËNATY XYMYOˈOYËMË LUGÄÄR. Yäˈädë nmëguˈukˈäjtëm xypyudëkëyäˈänëm. Mbäät xymyëmëdoy extëm ko mˈanëˈëmxëdët mä xyajwëˈëmëdë mgarrë, mätsow mnaxët ets ja lugäär mëdiˈibë mbäät xyaˈˈaduky.

PËNATY NËBATANDËP. Jëjpˈam yajpëjktäˈägäˈändë lyugäär pënaty nëbatandëp. Ets oy ko tpäättëdë yˈunyaaybyajn mä kyatsondaˈakynyëm ja diskursë mëdiˈibë naxäämp sääbëdë jopy. Niˈamukë tmënëjkxtëdë tyuayë etsë wyitë tsuj yajxonbë mëdiˈibë myënëbatandëp.

MEENY SENTÄÄBË MËDIˈIBË YAJNAYÄJKP. Kajaa të tyunyë meeny sentääbë parë të yajniˈˈijxëtyaˈay extëmë unyaaybyajn, soniidë, bideo ets tijaty nyajtuˈunëm parë mbäät tsuj yajxon nmëdoowˈijtëmë asamblee ets niˈigyë nmëwingoˈonëmë Jyobaa. Meeny sentääbë mëdiˈibë mnayäjktëp, yëˈë tuump parë tijaty yajkujuuytyaˈay ets parë yajtunyë Diosë tyuunk abëtsëmy nyaxwinyëdë. Pääty të yajpëjktaˈaky kanäägë käjë mä mbäät nbëjktakëmë meeny sentääbë ets myajmooytyëbë dioskujuyëm ko duˈun xytyundë. Mbäät nanduˈun xynyayakyë meeny sentääbë mä internet, donate.jw.org. Pënaty Wyoowˈyoˈoytyëbë Jyobaa tyestiigëty, kyukäjpxëdëp ko mˈoyjyaˈaytyäˈäktë parë xypyudëkëdë Diosë tyuunk.

MÄ TSOOY YAJˈYAKY. Jamyats ko yëˈëyë jap nëjkxtëp pënaty ajotkumonë päˈämbajttëp.

MÄ NYIPETY TIJATY TËGOOPY. Pën jam ti xypyaaty, këyak mä nyipety tijaty tëgoopy. Ets pën të ti xyajtëgoy, nëjkx jap yajnidëwë. Jap nanduˈun yajwownëjkxtë ënäˈkuˈunk mëdiˈibë të tyëgoytyë. Per mëdiˈibë mas oy, yëˈë ko këˈëm xykyuentëˈattëdë mˈënäˈkuˈunk ets kyaj xyˈijxtëgoyët parë kyaj ok myajjotmayˈoogëdët.

UNYAAYBYAJN. Oy ko xyjyamyatstët ko nmëguˈukˈäjtëm tsyojktëp nanduˈunë yˈunyaaybyajn. Yëˈëyë mbäät xyaˈˈadujkë lyugäär ja mfamilyë, pënaty mëët karroty të mnëjkxtë mä asamblee o pënaty myaˈëxpëjkypy. Këdii xyaˈˈadukyë unyaaybyajn mëdiˈibë kyaj xyajtunäˈäny.

PËNATY TUNANDËP. Pën mdunäämp mä yäˈädë asamblee, nëjkx mnayˈawanëty mä yäˈädë departamentë.