YAJTËˈËWËN DIˈIB YAˈˈATSOOJËMBIJTP MÄ BIIBLYË

¿Ti Dios txëˈaty?

Niˈamukë nmëguˈukˈäjtëm ak tamë xyëë, axtë jëyujk animal. Pääty njënäˈänëm ko Dios nan tamë xyëë. Ko Biiblyë tmaytyaˈagyë Dios kanäk pëky ttijy, extëm “Diˈib tukëˈëyë mëkˈäjtënë myëdäjtypy”, “Wintsën diˈib Yajkutujkp” ets “Diˈib tijaty të dyajkojtäˈäy”. Perë Dios myëdäjtypy tuˈugë xyëë. (Käjpxë Isaías 42:8.)

Mä kanäägë Biiblyë, japë Diosë xyëë yajpääty mä Salmo 83:18. Extëm mä Traducción del Nuevo Mundo de las Santas Escrituras jyënaˈany: “Parë jäˈäyëty tnijawët ko mijts, mxëˈaty Jyobaa, mijts jeˈeyë naytyuˈuk diˈib mˈijtp jantsy Këjxm abëtsemy nyaxwinyëdë”.

¿Tiko mbäät nyajtuˈunëmë Diosë xyëë?

Dios tsyejpy ets nyajtuˈunëmë xyëë. Ko nmaytyakëm mët tuˈugë mëtnaymyaayëbë ndukmëgäjpxëmë xyëë. Etsë Dios, ¿ti kyaj net pyaatyëty ndukmëgäjpxëmë xyëë? Jesukristë nan ojts xyˈanmäˈäyëm ets nyajtuˈunëmë Diosë xyëë. (Käjpxë Mateo 6:9, Traducción del Nuevo Mundo [TNM]; Juan 17:26, TNM.)

Parë mëdë Dios nnaymyaˈayëm, kyaj jeˈeyë tsyekyëty ets nnijäˈäwëmë xyëë. ¿Wiˈixë Dios jyaˈayˈaty? ¿Mbäät nmëwingoˈonëm? Tyäˈädë yaˈˈatsoojëmbity mä Biiblyë.

Pën mˈaknijawëyaampy, ixë kapitulo 1 mä tyäˈädë liibrë ¿Ti tëyˈäjtën jantsy tukniˈijxëbë Biiblyë?, diˈib yajpëtsëëmdëbë Jyobaa tyestiigëty

[Dibujë diˈib mä pajina 32]

Ko nmaytyakëm mët tuˈugë mëtnaymyaayëbë ndukmëgäjpxëmë xyëë