Jembyë nmëguˈukˈäjtëm mä Diˈib wyooyoˈoytyëbë Jyobaa tyestiigëty
Mierkëlës jopy 5 äämbë septiembrë 2012, yajtuknijäˈäwëdë nmëguˈukˈäjtëm diˈib tuundëp Betel jap Estados Unidos ets Canadá, ko 1 äämbë septiembrë të nety tyëkë tuumbë tuˈugë jembyë nmëguˈukˈäjtëm mä Diˈib wyooyoˈoytyëbë Jyobaa tyestiigëty, txëˈaty Mark Sanderson.
Dios mëduundëbë tyääk tyeety ets jap yajˈyaˈkëdë San Diego (California, Estados Unidos), tyäˈädë nmëguˈukˈäjtëm Sanderson ja ojts nyëbety 9 äämbë febreerë 1975. Ets 1 äämbë septiembrë 1983, tyuundëjkë prekursoor jap Saskatchewan (Canadá). Ta net yˈojtsy Mä tˈëxpëktë Biiblyë Yetyëjk diˈib Naytyuˈukˈäjttëp jap Estados Unidos ets pyëtsëëmy disiembrë mä jëmëjt 1990, ets abril 1991, ta yajkejxy prekursoor espesial mä tuˈugë isla diˈib xyëˈäjtypy Terranova (Canadá). Ojts tkudunyë sirkuitë, ta yajwooy Betel febreerë mä jëmëjt 1997 jap Canadá. Ets nobiembrë mä jëmëjt 2000 yajwooy Betel jap Estados Unidos, ets tyuuny mä Servicios de Información sobre Hospitales, ets ok, mä Departamento de Servicio.
Ets septiembrë 2008, ta yˈojtsy Mä yˈëxpëktë Komitee diˈib Betel, ets ok, ta yajtuunkmooy parë tyunët Komitee mä Betel diˈib Filipinas. Ets septiembrë 2010, ta jatëgok yajwooy Betel jap Estados Unidos, ets yëˈë niduˈuk pyudëjkë Diˈib wyooyoˈoytyëbë Jyobaa tyestiigëty diˈib tuump mä Comité de Servicio.
[Dibujë mä pajina 8]
[Rekuäädrë diˈib mä pajina 8]
Diˈib wyooyoˈoytyëbë Jyobaa tyestiigëty
Filë diˈib ëxkëˈëy, tsyondaˈaky anäjnytsyoo ets jyëjpkëxy aˈoytsyoo: David H. Splane, Anthony Morris III, D. Mark Sanderson, Geoffrey W. Jackson, M. Stephen Lett. Filë diˈib winduuy, tsyondaˈaky anäjnytsyoo ets jyëjpkëxy aˈoytsyoo: Samuel F. Herd, Gerrit Lösch, Guy H. Pierce. Niˈamukë Diˈib wyooyoˈoytyëbë Jyobaa tyestiigëty, yëˈë diˈib nëjkxtëp tsäjpotm.
[Dibujë]