Nˈokkäjpxwäˈkxëm yajxon ja oybyë ayuk diˈib mä Diosë yˈAnaˈam Kyutujkën
1. ¿Ti yaˈëxpëjktsondäˈägäämp 14 äämbë marsë mä Yaˈëxpekyë Biiblyë mä Naymyujkën?
1 Marsë 14 äämp yaˈëxpëjktsondäˈägäˈänyë tadë liibrë diˈib xyëˈäjtypy: “Testimonio cabal” del Reino de Dios, mä Yaˈëxpekyë Biiblyë mä Naymyujkën. Tyäˈädë liibrë yëˈë myaytyakypy diˈib yajpatp mä Apostʉlʉty o Hechos ets të yajtuknibëjtäägë parë ko ngäjpxëm nayjäˈäwëm ko tam jyawë ndimˈyajpatëm mä tijaty tyuun jyäjtë. Per kyaj jeˈeyë tuˈugatyë bersikulo tnimaytyaˈaky, yëˈë xytyukniˈˈijxëm mä wiˈix jyukyˈäjttë ja apostëlëtëjk ets wiˈix nanduˈun tyam mbäät nbanëjkxëmë yˈijxpajtën (Rom. 15:4).
2. Oknimaytyäˈäk tijaty myëmiimbyë tadë liibrë “Testimonio cabal”.
2 ¿Tijaty myëmiimbyë tyäˈädë liibrë? Mä tsyondaˈagyë pajina 2 jap myiny tuˈugë neky diˈib të tjäˈäytyë Diˈib wyooyoˈoytyëbë Jyobaa tyestiigëty, mä xyˈanmäˈäyëm wiˈix xypyudëkëyäˈänëmë tyäˈädë liibrë. Mä tsyondaˈaky tuˈuk tuˈugë kapitulo tnigajpxy tukwääts majtskwääts tijaty myaytyäˈägaambyë tadë kapitulo ets ja tekstë mä duˈun tnigajpxy. Nan tap tmëminyë rekuäädrë mä niˈigyë tnimaytyaˈaky ja jäˈäy, it lugäär o tijaty tun jäjtë. Ets mä pyäˈä tam kajaa wyinwäˈätsëty parë tijaty ngujäˈäyëm. Mä tyäˈädë liibrë myëmiimpy mayë dibujë diˈib mbäät xypyudëjkëm parë nayjäˈäwëm ko tam jyawë ndimˈyajpatëm. Mä jyëjpkëjxnë tap tmëminy mä niˈigyë tnimaytyaˈagyë dibujë. Ets mä nyiˈak tap myiny tuˈugë mapë diˈib mbäät xypyudëjkëm parë nˈijxëm mäjaty ojts nyaxtë diˈib pyanëjkxtë Jesus parë ojts kyäjpxwäˈkxtë mä “tëgekyë naxwinyëdë” (Apos. 1:8).
3. ¿Tijaty yajtëˈëwën yaˈˈatsoojëmbitäämp mä nˈëxpëkäˈänëmë tyäˈädë liibrë?
3 ¿Tijaty yajtëˈëwën yaˈˈatsoojëmbitäämp? Mä nˈëxpëkäˈänëmë tyäˈädë liibrë ja njaygyukëyäˈänëm yajxon diˈib mbäät nayajtëˈëwëm mä nDiosmëduˈunëm. Extëm nˈokpëjtakëm, ¿ti tuunk yajtukˈëxkäjptëp diˈib jyantsy pyanëjkxtëbë Kristë? ¿Pën diˈib yˈijxypyë tadë tuunk mä nˈëwäˈkx ngäjpxwäˈkxëm ets wiˈix ttuny? Ets ko nyajpajëdijtëm o nyaˈˈaxëkˈijxëm, ¿wiˈix yëˈë tyuny parë niˈigyë jäˈäy nmëtmaytyakëm? ¿Wiˈix xypyudëjkëmë Diosë myëjää mä nˈëwäˈkx ngäjpxwäˈkxëm?
4. ¿Wiˈix xypyudëkëyäˈänëm mä nˈëxpëkäˈänëmë tyäˈädë liibrë?
4 Parë niˈigyë xypyudëjkëm oy ko kontiempë nˈëxpëjkëm ets ngomentaräjtëm mä naymyujkën. Kyaj mdëgoyˈatët mä tuˈuk tuˈugë naymyujkën, ets oy ko xypyawinmayët wiˈix mbäät mbudëkëty mä mˈëwaˈkxy mgäjpxwaˈkxy. Mä nˈëxpëkäˈänëmë tyäˈädë liibrë yëˈë xypyudëkëyäˈänëm parë ngäjpxwäˈkxëm yajxon ja oybyë ayuk diˈib mä Diosë yˈAnaˈam Kyutujkën (Apos. 28:23).