Rebistë të yajtuknigojë parë oytyimpënëty
1. ¿Wiˈixë tuumbë diˈib kuwijy tpanëjkxë yˈijxpajtënë apostëlë Pablo?
1 Ko Apostëlë Pablo yajpaty “mët oytyim diˈibë jäˈäyëty” kyaj tuknaxë tmëtmaytyaky, nanduˈun nyaybyëjtakë extëmë jäˈäy yajpaty parë tganaratäˈäny. Tyam, nanduˈunë tuumbë diˈib kuwijy dyajtunyë rebistë parë jäˈäy yajmëtmaytyäˈägët, oy mä tsyoonët o oy tëgatsy ja myëbëjkën (1 Kor. 9:22, 23). Parë yajxon nyajtuˈunëmë rebistë Diˈib Xytyukˈawäˈänëm etsë ¡Despertad!, oy ko nmëdäjtëm winmäˈänyoty parë pën të yajtuknigojë.
2. ¿Pënaty të yajtuknigojë tadë rebistë ¡Despertad!?
2 ¡Despertad! Të yajtuknigojë jäˈäyëty diˈib duˈun yajpäättë extëm ja “Atenës jäˈäyëty”, diˈibë Pablo ojts tmëtmaytyaˈaky (Apos. 17:22). Tadë jäˈäyëty kyaj nety tmëbëktë Kristë ets kyaj ttimnijawëdë tijatyë Biiblyë myaytyakypy. Nanduˈun tyamë jäˈäy yajpäättë diˈib kyäjpxtëbë ¡Despertad!, pääty yëˈë të yajtuknigojëdë parë tnijawëdët tijatyë Biiblyë myaytyakypy. Mbäädë tadë jäˈäy kyaj ttimnijawëdë pënën Kristë, kyaj ti tnijawëyäˈändë diˈib mä relijyonk ets kyaj tnijawë wiˈixë Biiblyë kyäjpxwijënë pyudëkë. Tyäˈädë rebistë të yajtuknigojë parë pyudëkëdët ets tmëbëktët ko jantsy tamë Dios diˈib tëyˈäjtën. Ets nanduˈun parë jäˈäy niˈigyë tmëbëktëdë Biiblyë ets tˈixtë ko Jyobaa tyestiigëty tëgatsy mëdë wiinkpë relijyonk.
3. ¿Pënaty të yajtuknigojë tadë rebistë Diˈib Xytyukˈawäˈänëm?
3 Diˈib Xytyukˈawäˈänëm. Mä tyäˈädë rebistë tap tuˈuk majtskë artikulo diˈib të yajtuknibëjtäägë parë pënaty myëbëjktëbë Dios etsë yˈAyuk, duˈun extëm ja jäˈäyëty diˈibë Pablo yˈanmääy: “miits [...] diˈibë Dios wyintsëˈkëdëp” (Apos. 13:14-16). Tadë jäˈäyëty diˈib kyäjpxtëp yëˈë diˈib nyijäˈädëp wanatyë Biiblyë, per kyaj yajxon tjaygyukëdë. Etsë tadë artikulo diˈib yaˈëxpëjkp mä naymyujkën të yajtuknigojë Jyobaa tyestiigëty. Pablo nyijäˈäbë nety ko pënaty kyajpxypy ja neky diˈib jyaay, nyijäˈädëbë netyë Diosë yˈAyuk ets nyijäˈädëbë nety yajxon ja tëyˈäjtën (1 Kor. 1:1, 2). Nanduˈunë tyäˈädë artikulo yëˈë të yajtuknigojë jäˈäy diˈib nëjkxtëp mä naymyujkën ets diˈib të tˈijxwëˈëmdë ää ayuk diˈib jeˈeyë tuump mä Diosë kyäjpn.
4. ¿Tiko yˈoyëty ngäjpxëm tijaty myëmiimpy tuˈuk tuˈugë rebistë diˈib ngëyakäˈänëm mä ngäjpxwäˈkxëm?
4 Oy të nˈijxwëˈëmëm ngëyäjkëm majtskë rebistë mä ngäjpxwäˈkxëm tuˈuk jeˈeyë nimaytyakëm. Pääty oy ko nbëjtakëmë winmäˈäny parë ngäjpxëm tijaty myëmiimpy tuˈuk tuˈugë rebistë. Duˈuntsoo mbäät ndukˈijxëmë jäˈäy diˈib mbäät tˈoymyëdoy.