Diˈib nnayajtëˈëjëm

◼ ¿Mbäät nuˈkxtakëm ko jäˈäy nyaˈëxpëjkëm tëjkˈagëˈëy?

Ko nyajtsondakëm ets nyajjëjpkëjxëm mëdë nuˈkxtakën mä jäˈäy nyaˈëxpëjkëm, mëjwiin kajaa yajtukˈoyˈaty. Ko nuˈkxtakëm, yëˈë nˈamdoˈojëmë Jyobaa yˈespiritë santë mä jäˈäy nyaˈëxpëkäˈänëm (Luk. 11:13). Ets nanduˈun tˈixët ja jäˈäy ko nmëjpëjtakëm ko mëët nˈëxpëjkëmë Biiblyë ets nan ndukniˈˈijxëm wiˈix nyuˈkxtäˈägët (Luk. 6:40). Pääty, oy ko mëdë jäˈäy nuˈkxtakëm ko ogäˈän mëët nˈëxpëjktsondakëm. Per kom wiˈixëm yajpäättë, oy ko niduˈuk niduˈuk nwinmäˈäyëm pën nuˈkxtäˈägäˈänëm ko ja jäˈäy nyaˈëxpëjkëm tyëjkˈagëˈëy.

Diˈib mbäät nˈijxëm yëˈë wiˈix ja lugäär yajpääty mä jäˈäy nyaˈëxpëjkëm. Pën jëjwitsë nyaˈëxpëjkëm ets pën naa nidëkë, mbäät nuˈkxtakëm ko nyajtsondakëmë ëxpëjkën ets ko nyajjëjpkëjxëm, per kyaj nëgoo nyajjajkëm. Pën nˈijxëm ko mayë jäˈäy nyax tyëkëdë ets mbäät kyaj oy nyayjawëty ja jäˈäy diˈib nyaˈëxpëjkëm, oy ko nˈawijxëm axtë koonëm nˈëxpëjkëm muum naa nidëkë. Per oy wyiˈixëty, xëmë mbäät këˈëm nˈijxëm näˈä mbäät nuˈkxtakën mët ja jäˈäy (ixë Nuestro Ministerio del Reino diˈib marsë 2005, pajina 4).