Nˈokˈëxtäˈäyëmë jäˈäy diˈib wiink ayuk käjpx
1. Mä yajkajpxy kanäägë ayuk, ¿tiko yajmoˈoytyë ja naymyujkënë territooryë diˈib kyäjpxtëbë duˈumbë ayuk?
1 Mä jëmëjt 33 mä Pentekostes xëë, ja mä Jesusë yˈëxpëjkpëty ojts tyukëdäˈägëdë espiritë santë ets ojts “tkäjxtë wiingatypyë ayuk” parë tmëtmaytyaktë jäˈäy diˈibë nety tsoˈondëp wiink it wiink lugäär (Apos. 2:4). Ko duˈun tyuun jyäjtë, ta nyëbajttë naa tëgëk milë jäˈäy. Ets oyë nety jyamëty nimay diˈib kyäjpxtëbë ebreo etsë grieegë, Dios tsyojk etsë jäˈäy tmëdowdët mä kyëˈëm ayuk ja Diosë yˈAnaˈamën. Pes niˈigyë jäˈäy tˈoymyëdowdë ko yajmëtmaytyäˈäktë kyëˈëm yˈayuk. Pääty, pën mä tuˈugë lugäär kanäägë ayuk yajkajpxy, ta yajmoˈoytyët ja naymyujkënë tyerritooryë diˈib kyäjpxtëbë duˈumbë ayuk (ixë Organizados paj. 107 parr. 1, 2). Ja grupë diˈib kyäjpxtëbë wiink ayuk myëtmaytyaktëbë jäˈäy diˈib duˈun käjpxtëp mä ja territooryë diˈib patëp ja naymyujkën diˈib nyikëjxmˈäjtypy ja grupë ets mä wiinkpë naymyujkën diˈib wingon wëˈëmp.
2. 1) ¿Wiˈix mbäät nbatëmë jäˈäy diˈib kyäjpxtëbë wiink ayuk ets ti näˈäty yajtuump? 2) ¿Wiˈix mbäät nyaybyudëkëdë naymyujkën diˈib myëdäjttëbë territooryë mä jäˈäy kanäk ayuk kyäjpxtë? 3) ¿Ti mbäät nduˈunëm pën tuˈugë jäˈäy diˈib kyajpxypyë wiink ayuk yˈoymyëdoopy ko nmëtmaytyakëm?
2 Pën tsënääytyëbë nmëguˈukˈäjtëm mä jäˈäy jeˈeyë tkäjpxtë tuˈugë ayuk, mbäät kyäjpxwäˈkxtë tëjkmdëjkm. Per pën tsënääytyëp mä yajkajpxy kanäägë ayuk, mbäät ttukmuktë ja territooryë mët ja wiinkpë naymyujkën diˈib wiink ayuk. Ets ko yajpäädëdë jäˈäy diˈib kyäjpxtëbë wiink ayuk, ta yajkujayët parë tninëjkxtët ja nmëguˈukˈäjtëm diˈib duˈun käjpxtëp. Per oy ko nmëdäjtëm winmäˈänyoty ko diˈib patëp tˈëxtäˈäyëdë duˈumbë jäˈäy, yëˈë ja grupë o naymyujkën diˈib kyäjpxtëbë duˈumbë ayuk (ixë rekuäädrë mä jyënaˈany: “Nˈoknaybyudëjkëm nixim niyam”). Pääty, tsojkëp ja naymyujkën o grupë tˈëxtäˈäyëdë jäˈäy parë tpäättët diˈib duˈun käjpxtëp. Min nˈokˈijxëm wiˈix mbäät yajtuny.
3. ¿Nuˈun ja tiempë tmënëjkxäˈäny ko nˈëxtäˈäyëmë jäˈäy? ¿Oyëdaa ko nyaˈˈabëtsëˈëmdäˈäyëm ja it lugäär?
3 Wiˈix mbäät nˈëxtäˈäyëm. Wiˈixëm ja tiempë tmënëjkxäˈäny mä nˈëxtäˈäyëmë jäˈäy diˈib wiink ayuk käjpxtëp. Extëm, ¿ninäägë jäˈäy tkäjpxtë duˈumbë ayuk? ¿Ninäägë käjpxwäˈkxpë yajpääty? ¿Näägë rejistrë të yajpääty mä ja naymyujkën o grupë? Kyaj tyimtsekyëty nyaˈˈabëtsëˈëmdäˈäyëm ja it lugäär, per oy ko ngäjpxwäˈkxëm mä mayë jäˈäy yajpääty mä ja territooryë ets mä ja lugäär diˈib naa wingon wëˈëmp. Oy ko yajxon yajtukniwitsët parë mayë jäˈäy tnijawëdë Diosë xyëë (Rom. 10:13, 14).
4. 1) ¿Wiˈix mbäät yajtukniwitsë parë yaˈëxtäˈäyëdë jäˈäy? 2) Nigäjpx tuk pëky majtsk pëky wiˈix mbäät nˈëxtäˈäyëmë jäˈäy diˈib wiink ayuk käjpxtëp.
4 Diˈib yˈijxypy wiˈix ngäjpxwäˈkxëm o ja mëjjäˈäytyëjk, yëˈë diˈib mbäät tˈixtë ets ttukniwitsëdë wiˈix mbäädë jäˈäy nˈëxtäˈäyëm, parë kyaj jatëgok näjxëm mä netyë nmëguˈukˈäjtëm të nyaxtë (1 Kor. 9:26). Ets pën yëˈë tuˈugë grupë diˈib wiink ayuk käjpxtëp, ta ja mëjjäˈäytyëjk diˈib mä naymyujkën diˈib nyikëjxmˈäjtypy ja grupë, ttuknipëkët tuˈugë nmëguˈukˈäjtëm diˈib mbäät tˈixy wiˈix tijaty yajtunäˈäny, mbäät tuˈugë mëjjäˈäy o diˈib pyudëjkëbë mëjjäˈäy. Mä kanäägë naymyujkën o grupë të tnijawëdë wiˈix ttundë ko tˈëxtäˈäytyë jäˈäy. Waˈan dyajtundë tuˈugë direktooryë o Internet parë tˈëxtäˈäytyë jäˈäy xyëë extëmë jäˈäy txëˈattë mä yˈayuk. Ta net tmëgäjpxtë mä telefënë o tninëjkxtë parë tnijawëyäˈändë pën kyäjpxtëbë wiink ayuk ets tkujayëdë extëmë tyerritooryë. Pënë mëjjäˈäytyëjk diˈib nyikëjxmˈäjttëp ja grupë yˈijxtëp ko oybyëtsëëmp, mbäät ttukniwitsëdë parë yajpudëkët ja grupë ets yaˈëxtäˈäyëdë jäˈäy (ixë rekuäädrë mä jyënaˈany: “Ti yajtuump parë yaˈëxtäˈäyë jäˈäy diˈib wiink ayuk käjpxtëp”).
5. 1) ¿Ti mbäät tmëdattë wyinmäˈänyoty pënaty yˈëxtääytyëbë jäˈäy? 2) ¿Wiˈix mbäädë jäˈäy yaˈˈanëëmëdë?
5 Tsojkëp jawyiin nnijäˈäwëm tiko nëjkxë jäˈäy nˈëxtäˈäyäˈänëm. Tim jawyiin, oy ko ja wit xox nbëjtakëm extëm ko nëjkxëm ëwäˈkx käjpxwäˈkxpë, pes duˈun ja tuk pëky nDiosmëduˈunëm. Nan oy ko nikäjpxëm wiˈixë jäˈäy nmëtmaytyäˈägäˈänëm ets oy ko ngäjpx nmaytyakëm mä ja ayuk mientrës nˈëxtäˈäyëmë jäˈäy, pes yëˈë diˈib mayë nmëguˈukˈäjtëm pudëjkëdëp parë ttukˈit ttukxondë ets niˈigyë tjattët ja ayuk. Mbäät nmaytsyoˈojëmë tiempë mä jäˈäy nˈëxtäˈäyëm, per kyaj ko nyaˈoˈoyëm ja mapë o listë diˈib mä territooryë. Ets ko yajpäädëdë jäˈäy diˈibë duˈumbë ayuk kyajpxypy, tsojkëp yajmëtmaytyäˈägët oy tmëdowäˈäny tkamëdowäˈäny ets netyë yaˈˈawanët ja diˈib yˈijxypy wiˈix ngäjpxwäˈkxëm o diˈibë të yajtuknipëky parë dyaˈoyëdë rejistrë. Oy ko nˈëxtäˈäyëmë jäˈäy, per kyaj yëˈëyë nduˈunëm, nan oy ko nˈëwäˈkx ngäjpxwäˈkxëm ets nnijëmbijtëmë jäˈäy (ixë rekuäädrë mä jyënaˈany: “Wiˈix nˈanmäˈäyëmë jäˈäy ko nˈëxtäˈäyëm”).
6. ¿Tiko tsyiptaˈaky nˈëxtäˈäyëmë jäˈäy diˈib uum?
6 Wiˈix mbäädë jäˈäy nˈëxtäˈäyëm diˈib uum ets nat. Tsiptakp nˈëxtäˈäyëmë duˈumbë jäˈäy, tsojkëbë maˈkxtujkën ets nbëjtakëmë jot mëjää. Yëˈko kyaj mbäät ndukˈëxkäjpëmë wyit xyox, xyëë o wiˈix yˈixˈattë extëmë jäˈäy diˈib kyäjpxtëbë wiink ayuk. Ets kom kuentˈatanëdëbë jyiiky myëguˈuk etsë myëtnaymyaayëbë, mbäät kyaj tnigäjpxtë ko ja nmëguˈukˈäjtëm yajtëwëdët. Tyää yajnigäjpxäˈäny ti mbäät xypyudëjkëm parë nbatëmë jäˈäy diˈib uum ets diˈib wiink ayuk käjpxtëp.
7. 1) Ko nˈëxtäˈäyëmë jäˈäy diˈib uum, ¿ti mbäät nyajtëˈëwëm? 2) ¿Ti mbäät nduˈunëm parë jäˈäy kyaj tëgatsy wyinmayët?
7 Ja grupë o naymyujkën mä uum yoˈoytyë, ko jyäˈttë mä tuˈugë lugäär yëˈë yajtëëwdëp pën kyaj pën tˈixyˈattë diˈib uum. Pes waˈan të tˈixtë tuˈugë jäˈäy myaytyaˈaky extëmë uum, mbäät tmëdëjkˈattë, mëët yˈeskuelëˈattë, tuˈugyë tyundë o axtë tmëdattë tuˈugë myëguˈuk diˈib uum. O waˈan tjamyatstë ko të muum tˈixtë tuˈugë letreerë mä tnigajpxy ko mä tadë lugäär tapë ënäˈkuˈunk diˈib uum. Per nan oy ko nmëdäjtëm winmäˈänyoty ko jäˈäy duˈun nyajtëˈëwëm mbäät kyaj tnigäjpxäˈänët. Per pën ajiiky amëguˈuk njäˈäyˈäjtëm ets wintsëˈkën myëët nmëgäjpxëm ets kyaj jeky nmëtmaytyakëm, mbäädë jäˈäy kyaj tëgatsy wyinmayët. Ta diˈib oybyëtsëˈëmxëdëp ko tmënëjkxtë tuˈugë bideo diˈib mä Biiblyë o wiinkpë ëxpëjkpajn ets tˈanëëmëdë ko diˈib tyukmëtmaytyäˈägandëbë jäˈäy diˈib uum yëˈë diˈibë Biiblyë wyandakypy. Pën nˈijxëm ko ja jäˈäy kyaj tnigäjpxäˈäny, mbäät nmoˈoyëm tuˈugë tarjetë mä myinyë xëë o direksion o tuˈugë neky mä jäˈäy yajwoy mä naymyujkën parë tmoˈoyët ja uum diˈib yˈixyˈajtypy.
8. ¿Wiˈix mbäädë naymyujkën tpudëkë ja nmëguˈukˈäjtëm diˈib yoˈoytyëp mä tyuˈukmuktë jäˈäy diˈib uum?
8 Mä tuˈukpë jëmëjt, mbäät naa tëgok o majtskˈokën ja naymyujkën mä yoˈoytyë uum, tˈamdowdë naybyudëkë ja naymyujkën diˈib wingon parë nëjkx tˈëxtäˈäytyë jäˈäy mä ja lugäär mä mayë jäˈäy tsyëënëdë. Ets mä nety tyuˈukmuktë parë nyëjkxäˈändë käjpxwäˈkxpë, mbäät ja diˈib jyuˈtypyë grupë mä ja naymyujkën mä yoˈoytyë uum, tnimaytyaˈaky wiˈix mbäät yajtuny ets dyajnaxët tuˈugë demostrasyonk. Pën naywyäˈkxëp ja grupë parë nyëjkxäˈändë karroty, oy ko mä tuˈuk tuˈugë grupë jyapˈatët tuˈugë nmëguˈukˈäjtëm diˈib tsoˈomp mä ja naymyujkën diˈib uum ets tmënëjkxët tuˈugë mapë diˈib pudëkëdëp mä nëjkxë jäˈäy tˈëxtäˈäyäˈändë.
9. ¿Wiˈix mbäät nˈëxtäˈäyëmë jäˈäy diˈib uum mä tyuˈukmuktë?
9 Nan mbäät nëjkxëm mä lugäär mä mayë uum tyuˈukmuktë parë yˈixäˈän jyawëyäˈändë o parë ti ttunäˈändë. Oy ko nˈijxëm mä tyunäˈänyëty ets duˈun nnayxyojxëm. Ets oy ko yajmëtmaytyäˈägët ja jäˈäy naa niduˈuk o nimajtsk ets kyaj niˈamukë ninuˈun jam yajpäättë. Pën yˈoymyëdoopy, mbäät ja nmëguˈukˈäjtëm tmoˈoyë dyireksion ets tˈamdoy.
10. ¿Wiˈix mbäät yaˈëxtäˈäyë jäˈäy diˈib uum mä negosyë?
10 Nan mbäät mbudëkëty tuˈugë mapë parë xyˈijxwëˈëmët mäjatyë negosyë yajpääty parë xynyinëjkxëdë jäˈäy näˈä mbäät myadaˈaky. Mbäät xymyëdaty kanäägë mapë, mä tuˈukpë mbäät xykyëxjäˈäy mäjatyë gasolinë toˈkpë, ets mä wiinkpë, mbäät xykyëxjäˈäy mäjatyë komedoor, mäjatyë wit yajpujy, hotel o wiinkpë negosyë. Pën tuˈuk tuˈugë mapë nyigäjpxtaapy mäjatyë negosyë yajpääty, mbäät pyudëkëdë ja nmëguˈukˈäjtëm ets oy kyäjpxwäˈkxtët. Extëm nˈokpëjtakëm, ko nety ja nmëguˈukˈäjtëm waanë të tmëtmaytyaˈaky ja jäˈäy diˈib të yˈaxäjëty mä tuˈugë hotel, mbäät tˈawanë kanäägë ëxpëjkpajn diˈib miimp mä bideo etsë neky mä yajwowdë jäˈäy parë nyëjkxtët mä naymyujkën, parë tmoˈoytyët ja jäˈäy diˈib uum diˈib jap jäjttëp. Mä näägë negosyë, mbäät nyajtëˈëwëm pën kyaj jap pën tyuny diˈib uum o jyuy. Ets pën mä territooryë jap tuˈugë eskuelë mä yˈëxpëktë uum, mbäät nˈawäˈänëm tuˈuk majtskë ëxpëjkpajn diˈib miimp mä bideo parë tmëdattët mä bibliotekë.
11. ¿Tiko jyëjpˈamëty nˈëxtäˈäyëmë jäˈäy diˈib wiink ayuk käjpxtëp?
11 Tuˈugë tuunk diˈib jëjpˈam. Kajaa tiempë tmënëjkxy ko nˈëxtäˈäyëmë jäˈäy diˈib kyäjpxtëbë wiink ayuk. Pes näägë jäˈäy tsënääyëdijttëp ets tsip nmëdäjtëm xëmë tuˈugë rejistrë. Per niˈigyë kyajaajë territooryë mä mbäädë jäˈäy nˈëxtäˈäyëm parë ngäjpxwäˈkxëm. Jyobaa tsyejpy niˈamukë jäˈäy ets yëˈë diˈib të xytyuknipëjkëmë tyäˈädë tuunk parë nˈëwäˈkx ngäjpxwäˈkxëm (Apos. 10:34). Pes “yëˈë tsyejpy es nidëgekyë [nyitsoˈoktët] es nandëˈën tjaygyukëdët diˈibë dën tëyˈäjtën” (1 Tim. 2:3, 4). Pääty, nˈokpudëjkëmë Jyobaa etsë nmëguˈukˈäjtëm parë nˈëxtäˈäyëm niˈamukë jäˈäy diˈib wiink ayuk käjpxtëp ets diˈib myëdäjttëp oyë jyot kyorasoon (Luk. 8:15).
[Letrë diˈib miimp mä pajina 5]
Nˈoknaybyudëjkëm nixim niyam
Pën tuˈugë naymyujkën o grupë yajpudëkëyäämp parë mbäädë jäˈäy tpäättë diˈib kyäjpxtëbë wiink yˈayuk, ta ja diˈib yˈijxypy wiˈix ngäjpxwäˈkxëm nyaygyäjpxëdët mëdë mëjjäˈäytyëjk diˈib mä wiinkpë naymyujkën diˈib mas wingon wëˈëmp o ja naymyujkën mä jyamëty mayë jäˈäy diˈibë duˈumbë ayuk kyäjpxtëp. Ja mëjjäˈäytyëjk yëˈë diˈibë net yˈanëëmëdëp ja käjpxwäˈkxpë parë tkujayëdët ko tpäättëdë duˈumbë jäˈäy, ets tmoˈoytyët ja diˈib yˈijxypy wiˈix ngäjpxwäˈkxëm parë net yëˈë tmoˈoyët ja grupë o naymyujkën diˈib të tˈamdoyë naybyudëkë. Ja diˈib yˈijxtëp wiˈix ngäjpxwäˈkxëm, mbäät tˈixtë wiˈix mbäät nyaˈˈabëtsëˈëmëmë territooryë mä jäˈäy kanäägë ayuk tkäjpxtë, ets wiˈix yajpudëkëdë jäˈäy diˈib yˈoymyëdoobyë Diosë yˈayuk ets nyëjkxtët mä ja naymyujkën mä yˈayuk yajkajpxy.
Ets pën tuˈugë nmëguˈukˈäjtëm pyatypyë jäˈäy diˈib yˈoymyëdoobyë Diosë yˈayuk ets yëˈë kyajpxypyë wiink ayuk (o tuˈugë uum), oy ko netyë yajtukjayëdë tyäˈädë neky Sírvase visitar (S-43-S) ets yajmoˈoyët ja sekretaaryë diˈib tuump mä naymyujkën. Net ja jäˈäy tsojkˈam yajpudëkët (ixë km 5/11 paj. 3).
[Letrë diˈib miimp mä pajina 6]
Ti yajtuump parë yaˈëxtäˈäyë jäˈäy diˈib wiink ayuk käjpxtëp
• Nyajtëˈëwëm extëm ja diˈib nyaˈëxpëjkëm, jiiky mëguˈuk ets diˈib mëët nduˈunëm.
• Nˈëxtäˈäyëmë numero de telefënë mä tuˈugë direktooryë mä myiny extëmë jäˈäy txëˈattë mä yˈayuk. Nan mbäät yajpääty mä Internet o mä compañías telefónicas ja jäˈäy xyëë extëm myiny mä ja dyireksion.
• Nˈëxtäˈäyëmë jäˈäy mä nimay yajpäättë extëm mä bibliotekë, eskuelë ets mä tyundë gobiernë.
• Nˈijxëm mä perioodikë pën jam ti ttunäˈändë jäˈäy diˈib kyäjpxtëbë wiink ayuk.
• Nëjkxëm mä jäˈäy jyuy tyooktë mä jyäˈttë jäˈäy diˈib kyäjpxtëbë wiink ayuk.
• Mbäät yaˈˈamdoyë permisë, ko yajpëjtäˈägäˈänët tuˈugë meesë mëdë ëxpëjkpajn mä jäˈäy tmëdattë negosyë, eskuelë, mä karrë tsyoony jyaˈty o mä mayë jäˈäy tyuˈukmuktë diˈibë wiink ayuk kyäjpxtëp.
• Mbäät xyjuyët tuˈugë direktooryë o tuˈugë programë parë mbäät xyˈëxtäˈäy mä Internet, pën nyasˈijxëp ja ley diˈib mä mbaˈis.
[Letrë diˈib miimp mä pajina 7]
Wiˈix nˈanmäˈäyëmë jäˈäy ko nˈëxtäˈäyëm
Ajiiky amëguˈuk mbäät njäˈäyˈäjtëm ko jäˈäy nmëtmaytyakëm ets netyë ndukˈawäˈänëm tiko ninëjkxëm parë kyaj tëgatsy wyinmayët. Oy ko jawyiin ndukˈijxëm ja ëxpëjkpajn diˈib nmëdäjtëm mä ja ayuk.
Ko nety të xyˈokkäjpxpoˈkxy, mbäät xyˈanëëmë: “Yëˈëts nˈëxtääytyëbë jäˈäy diˈib kyäjpxtëbë tyäˈädë ayuk ______ parëts ndukmëtmaytyäˈägäˈändë tijatyë Biiblyë wyandakypy. ¿Mˈixyˈajtypy pën diˈib kyajpxypyë duˈumbë ayuk?”.
Ko nety yaˈëxtäˈäyë jäˈäy diˈib uum, mbäät yaˈˈanëëmë: “Maygyepe. ¿Mbäät ndukˈixyë tyäˈädë bideo? [Ta xypyëjtäˈägët ja diskë mä ja DVD ets xytyukˈixët tuˈugë bersikulo diˈib mä Traducción del Nuevo Mundo.] Tyäˈädë yëˈë tuˈugë bersikulo diˈib yajpatp mä Biiblyë parë jäˈäy diˈib uum. Nmëdäjttëbëts kanäägë bideo diˈibëts namayˈäjtën nmooytyëbë jäˈäy diˈib uum parë tnijawëdë Diosë yˈayuk. ¿Mˈixyˈajtypy tuˈugë jäˈäy diˈib uum o diˈib kyaj oy myëdoy ets tjaty myaytyäˈägët extëmë uum?”. Pën kyaj jäˈäy netyë tjamyetsy, ta xynyigäjpxët tuˈuk majtskë lugäär mä mbäät të tˈixy tuˈugë jäˈäy diˈib uum, extëm mä tyundë, eskuelë o myëjjëmbäˈä myëdëjkpäˈä.