¿Wiˈixë jäˈäy nmëtmaytyakëm?

¿Wiˈix nyaˈëxpëjktsondakëmë jäˈäy mä tim jawyiimbë sääbëdë diˈib agostë?

“Tam kujk kanäk jëmëjt nyëjkxnë mä jäˈäy tnijawëyäˈändë anklësëty. Wiˈix mˈokwinmay, ¿waˈandaa jyantsy jaˈˈattë? [Waˈan tˈatsoojëmbity.] Okˈix wiˈix jyënaˈanyë tyäˈädë rebistë.” Mmoˈoy ja rebistë Diˈib Xytyukˈawäˈänëm 1 äämbë agostë ets xynyimaytyäˈägët ja tim jawyiimbë subtitulo diˈib mä pajina 16 ets käjpx naa tuˈugënë tekstë. Awanë ja rebistë ets xyˈanëëmët ko jatëgok mjëmbitäˈäny parë xyˈatsoojëmbitët ja tuˈukpë yajtëˈëwën.

Diˈib Xytyukˈawäˈänëm 1 äämbë agostë

Käjpxë Salmo 65:2. Ta net xyˈanëëmët: “Mayë jäˈäy nanduˈun wyinmaytyë extëmë tyäˈädë tekstë jyënaˈany ko Dios yëˈë diˈib myëdooˈijtypyë nuˈkxtakën ets päätyë net jabom jabom tmënuˈkxtäˈäktë. Per ta diˈib nayajtëëwëdëp: Pën jantsy jamë Dios, ¿tiko myëjwindëkë amay jotmay? Mijts, ¿wiˈix mˈokwinmay? ¿Jadaa tuˈugë Dios diˈib myëdoobyë nuˈkxtakën? [Waˈan tˈatsoojëmbity.] Tyäˈädë rebistë nyigajpxypy wiˈixë Biiblyë tˈatsoojëmbity tiko Dios tnasˈixë ayoˈon pën myëdoobyë nuˈkxtakën”.

¡Despertad! Agostë

“Mä tyäˈädë tiempë, mayë jäˈäy tsëˈkëdëp jyëdittët naytyuˈuk nëˈääy tuˈääy ets mas pën të kyootsënë. Wiˈix mˈokwinmay, ¿mbäädëdaa ti nduˈunëm parë kyaj nëgoo jyaˈˈatëdë axëkˈäjtën? [Waˈan tˈatsoojëmbity.] Tyäˈädë rebistë yëˈë nyimaytyakypy ti mbäät nduˈunëm niduˈuk niduˈuk parë jyaˈˈatëdë jotkujkˈäjtën. Ets nan nyimaytyakypy wiˈix yˈadëy diˈib ojts yajnaskäjpxë mä Biiblyë [käjpxë Salmo 72:7].”