“¿Wiˈix mbäät ngëyäjkëmë rebistë diˈib...?”

Mä Yajniˈëxpëkë wiˈix ngäjpxwäˈkxëm, miimp poˈoboˈo tuk pëky mä wiˈix mbäät ngëyäjkëmë rebistë. Tyäˈädë kyaj të yajtuknibëjtäägë parë yajnimaytyäˈägët tukëˈëyë tijaty myëmiimpy ja rebistë, yëˈë duˈun parë yajnigäjpxët wiˈix mbäät ngëyäjkëm. Ja diˈib patëp dyajnaxët, yaˈˈanmaapy mä ja programë wiˈix mbäät dyajnaxy, jawyiin tnimaytyäˈägët waanë ets ttukˈit ttukxonët. Ok, ta net tˈanëëmët ja nmëguˈukˈäjtëm ets tnigäjpxtët wiˈix tnimaytyäˈägäˈändë tuˈugë artikulo o kanääk diˈib naymyënëjkxëp. Duˈuntsoo mbäät niˈamukë nmëguˈukˈäjtëm tpaˈixtë diˈibë artikulo jam yajmaytyakp ets tkujayëdët wiˈix yajkëyakäˈäny. Ja diˈib patëp dyajnaxët, yëˈëyë yajtëwëp ja nmëguˈukˈäjtëm ti yajtëwandëp ets ti tekstë kyäjpxandëp diˈib mbäädë jäˈäy tˈoymyëdoy. Ets ok, ta yaˈixëdë demostrasyonk wiˈix mbäät yajkëyaky tuˈuk tuˈugë rebistë. Ta net niˈamukë yaˈˈanëëmëdë ets kontiempë tkäjpxtëdë rebistë parë kyomentarattët wiˈix mbäät ngëyäjkëm. Pën niˈamukë yˈëxpëjktëp kontiempë, ta nyaymyëjämoˈoyëdët nixim niyam (Prov. 27:17).