¿Oyëdaa ko xyˈamdowët tuˈugë mderritooryë?

1. ¿Tiko mbäät xywyinmay pën mˈamdowaampy tuˈugë mderritooryë?

¹ Pënë mnaymyujkën kajaa tmëdatyë territooryë, amdow tuˈuk, axtë mbäät xyˈamdoy diˈib wingon wëˈëmp mä mtsëënë. Ets jam mgäjpxwäˈkxët. Ko xyˈamdowët tuˈugë mderritooryë, mbäät mbudëkëty parë “mas oyë mdiempë xyajtunët mä mgäjpxwaˈkxy”, ets nan mbäät “tuˈugë nmëguˈukˈäjtëm xywyoy parë mëët mnëjkxët käjpxwäˈkxpë”, duˈun jyënaˈanyë liibrë Organizados pajina 103.

2. ¿Wiˈix mbäät nyajtuˈunëm ja territooryë diˈib nˈamdoˈojëm?

² Tun mä mderritooryë, per nan mnëjkxëp mët ja grupë. Pën myajmoopy tuˈugë territooryë diˈib wingon wëˈëmp mä mtsëënë, mbäät mëdë mfamilyë mnëjkxy tsuu käjpxwäˈkxpë. Ets pën mˈamdoopy tuˈugë territooryë diˈib naa wingon mä mduny, mbäät mnëjkxy käjpxwäˈkxpë ko myajmoˈoyëdë tiempë parë nëjkx mgay o ko mduumbëtsëmët. Axtë mbäät xywyoyë nmëguˈukˈäjtëm diˈib nanduˈun jam wingon tuump. Ko mgapëtsëmët mët ja grupë diˈib nëjkxtëp tëjkˈayeˈebyë, oy ko xymyënuˈkxtäˈägëdë Jyobaa parë mnëˈëmoˈoy mduˈumoˈoyëdët (Filip. 4:6). Per kyaj jeˈeyë mdunët mä ja mderritooryë, nan jëjpˈam ets mbëtsëmët mëdë nmëguˈukˈäjtëm diˈib pëtsëëmdëp tëjkˈayeˈebyë. Ets ko tpäädëdë sääbëdë domingë, ta nanduˈun mbëtsëmët mët ja mgrupë diˈib mëët mbäätyëty.

3. ¿Wiˈix yajtukˈoyˈaty ko nmëdäjtëm tuˈugë territooryë?

³ Mbäät xytyukˈoyˈaty. Ko xyˈamdowët tuˈugë mderritooryë, ta xymyëdatët mä mbäät mgäjpxwaˈkxy ets mnëjkxët näˈä xytyimtsojkënyëˈaty. Nan mbäät niˈigyë mdiempë xyajtuny mä mgäjpxwaˈkxy mët ko kyaj jagam mwëˈëmäˈänxëty. Duˈun kyaj mtsiptakxëdët xyajkäˈpxëdë mˈoorë pën mduump prekursoor ausilyaar o regulaar. Ko ngäjpxwäˈkxëm jamyë mä tuˈugë lugäär, kyaj nëgoo tsyiptäˈägäˈäny nnijëmbijtëm ets nyaˈëxpëjktsondakëmë jäˈäy diˈib yˈoymyëdoodëbë Diosë yˈayuk, pes mbäät jamyë wingonaty tsyëënëdë. Näˈäty mbäät xykyëyaky ja territooryë ko nety naa tëgok majtskˈokën të xyaˈˈabëtsëmy parë wiinkpë nmëguˈukˈäjtëm yajmoˈoyët. Ko duˈunë nmëguˈukˈäjtëm tyundë, ta nääk jyënäˈändë ko mas niˈigyë tˈixyˈattë ja jäˈäy diˈib jam tsënääytyëp ets nyayˈijxwëˈëmëdë. ¿Mbäät mbudëkëty mëdë mfamilyë ko xyˈamdowët tuˈugë territooryë parë xykyuytyunët yajxon ja Diosë tyuunk? (2 Tim. 4:5.)