¿Wiˈixë jäˈäy nmëtmaytyakëm?

¿Wiˈix nyaˈëxpëjktsondakëmë jäˈäy mä tim jawyiimbë sääbëdë diˈib mayë?

“Niˈamukë ak tëgoˈoyëm. ¿Të näˈä mnayajtëyëty pënë Dios myeˈkxypyë poky kaytyey diˈib mëjwiin kajaa?” Ko jäˈäy yˈatsoojëmbitët, ta net xytyukˈixëdë rebistë Diˈib Xytyukˈawäˈänëm 1 äämbë mayë pajina 32 ets nimaytyäˈäk ja tim jawyiimbë yajtëˈëwën ets käjpx naa tuˈugënë tekstë. Awanë ja rebistë ets anëëmë ko jatëgok mjëmbitäˈäny parë xyˈatsoojëmbitët ja tuˈukpë yajtëˈëwën.

Diˈib xytyukˈawäˈänëm 1 äämbë mayë

“Njanijawëyaambyëts wiˈix mwinmay extëmë tyäˈädë tekstë jyënaˈany [käjpxë 1 Fwank 4:8]. Mayë jäˈäy jyënäˈändë ko tëyˈäjtën extëm yä jyënaˈany, per ta diˈib jënandëp ko Dios mëk axëkjäˈäy mët ko dyajminy o tnasˈixë parë tijaty yˈayoˈonbëjtäˈägët. ¿Wiˈix mijts mˈokwinmay? [Waˈan tˈatsoojëmbity.] Tyäˈädë rebistë yëˈë nyimaytyakypy tiko kyaj yˈoyëty nbokyˈijxëmë Dios ets njënäˈänëm ko yëˈë mëk axëkjäˈäy.”

¡Despertad! Mayë

“Yëˈë njatukmëtmaytyäˈägaampy tuˈugë jotmay diˈibë jäˈäy myëmääy myëdäjtëp: ko myëjwindëkë maˈtspë yajjäˈäyˈoˈkpë. Ta diˈib winmääytyëp ko parë yˈoyëdë tyäˈädë jotmay, yëˈë ko yˈakjaˈˈatëdë polisiyë. ¿Wiˈix mijts mˈokwinmay? [Waˈan tˈatsoojëmbity.] ¿Mnijäˈäwëp ko Biiblyë twandaˈaky ko kyaj nyekyjaˈˈatäˈänyë axëkjäˈäy? [Käjpxë Salmo 37:10, 11.] Tyäˈädë rebistë yëˈë nyimaytyakypy wiˈix yˈadëwäˈänyë tyäˈädë wandakën ets nan nyigajpxypy tuk pëky majtsk pëky wiˈix mbäät nnaygyuentˈäjtëm mëdë jäˈäy diˈib axëëk adëtsp.”