Panëjkxtë ja kugajpxyëtyë yˈijxpajtën: Joel
1. ¿Wiˈix mbäät nˈijtëm yujy tudaˈaky extëmë Joel ko ngäjpxwäˈkxëm?
1 ¿Pën xyëˈäjt Joel diˈib kugajpxyˈäjt? Mä liibrë diˈib xyëˈäjtypy Joel, jeˈeyë jyënaˈany ko yëˈë “uˈunkˈäjtë Petuel” (Joel 1:1). Tyäˈädë kugajpxy diˈib yujy tudaˈaky kyaj yëˈë tmaytyaky ti tyuunkˈäjt, yëˈë nyimaytyakë Jyobaa yˈayuk. Ëtsäjtëm, nanduˈun tyam nduˈunëm. Ko ngäjpxwäˈkxëm, kyaj nˈëxtäˈäyëm etsë jäˈäy xymyëjkugäjpxëm, yëˈë duˈun parë tˈixyˈattëdë Jyobaa etsë Biiblyë (1 Kor. 9:16; 2 Kor. 3:5). ¡Xyjotkujkmoˈoyëmë ää ayuk diˈib ngäjpxwäˈkxëm! Min nˈokˈijxëm tijaty ojts tnaskäjpxë Joel parë njotmoˈoyëmë Diosë tyuunk ets nnayjäˈäwëm jotkujk.
2. Kom wingoonëp ja kutëgoˈoyën, ¿ti net mbäät nduˈunëm?
2 “Wingon yˈityë Jyobaa xyëë.” (Joel 1:15.) Tyäˈädë ää ayuk ja yajjääy naa tyëgëk mil jëmëjtëp, per tyam yˈadëëdäˈäy mä ndiempëˈäjtëm. Tyam, niˈigyë jotmay myëjwindëkë ets mä nˈëwäˈkx ngäjpxwäˈkxëm kyaj jäˈäy ttsoktë, jeˈeyë xynyëxik xytyukxikëm. Tyäˈädë yëˈë xytyukˈijxëm ko njukyˈäjtëm mä tiempë jyëjpkëxanë (2 Tim. 3:1-5; 2 Peed. 3:3, 4). Ets kom wingoonëp ja kutëgoˈoyën, pääty jëjpˈam nbëjtakëmë Diosë tyuunk mä jukyˈäjtën (2 Peed. 3:11, 12).
3. ¿Tiko jyëjpˈamëty ngäjpxwäˈkxëm ko wyingoonë ja mëk ayoˈon?
3 “Jyobaa yëˈë kyuwäˈänaambyë kyäjpn.” (Joel 3:16.) Tyäˈädë bersikulo nanduˈun jyënaˈany ko “tsäjp etsë nax [...] xyijtˈyoˈoyaˈany”, ets yëˈë yˈandijpy ko Jyobaa ttunäˈänyë tëyˈäjtën mä ja mëk ayoˈon. ¡Jotkujk nnayjäˈäwëm ko Jyobaa dyajnitsoˈogäˈäny pënaty xëmë mëduunëp! (Diˈibʉ Jat. 7:9, 14.) Ko xëmë ngäjpxwäˈkxëm ets ko nˈijxëm wiˈixë Jyobaa xypyudëjkëm ets xymyëjämoˈoyëm, yëˈë yajkëktëjkëbë mëbëjkën ets xypyudëjkëm parë nmadakëm, pes yëˈë xypyudëkëyäˈänëm parë nnitsokëm ko jyäˈtët ja mëk ayoˈon.
4. ¿Tiko mbäät nxondakëm ets kyaj ntsëˈk njäˈäwëm tijaty miimp këdakp?
4 Mbäät pën jyënaˈany ko mon tuk ja ää ayuk diˈib nyaskäjpxë Joel, per kyaj dyuˈunëty, pes yˈawäˈänëbë jotkujkˈäjtën ko nitsoˈogäämbë Diosë kyäjpn (Joel 2:32). Pääty kyaj tiko ntsëˈk njäˈäwëm tijaty miimp këdakp. Nˈokjotmoˈoyëmë Diosë tyuunk mä nˈëwäˈkx ngäjpxwäˈkxëm ja yˈAnaˈam Kyutujkën ets nˈokkupëjkëm extëm jyënaˈanyë Joel 2:23: “Tukxondäˈäktë ets jotkujk nnayjawëdë mä Jyobaa diˈib mDiosˈäjtypy”.