¿Wiˈixë jäˈäy nmëtmaytyakëm?

Diˈib nyimaytyakypyë Diosë Kyutujkën numero 38

“Abëtsemy nyaxwinyëdëts tyam nyajwäˈkxtë tyäˈädë neky mët ko jëjpˈamë jäˈäy tnijawëdët tidën myaytyakypy. Etsë tyäˈädë mijts nmoˈoyaampy.”

Notë: Parë nyaˈˈabëtsëˈëmëm ja territooryë, oy ko kyaj jeky nmëtmaytyakëmë jäˈäy. Per pën tuˈugë jäˈäy yˈoymyëdoopy ets yˈaknijawëyaampy, mbäät nyajtëˈëwëm wiˈix wyinmay extëm jyënaˈanyë titulo, ndukwingugäjpxëmë Apostʉlʉty 24:15 diˈib miimp mä trataadë ets nˈaknimaytyakëm tijaty miimp pën jamnëmë tiempë. Ets ok, mbäät nyajtëˈëwëm diˈib miimp ëxkëˈëy “¿Tiko nmëjjäˈäyëm ets nˈoˈkëm?”, ta mëët naygyäjpxëm näˈä jatëgok nnijëmbijtëm.

Diˈib xytyukˈawäˈänëm 1 äämbë nobiembrë

“Ta jäˈäy diˈib kyaj tnekymyëbëktë Dios mët ko kyaj të yajtukniˈˈixëdë ja tëyˈäjtën mä pënën yëˈë. Wiˈix mˈokwinmay, ¿wiˈixëdaa Dios yajnimaytyaˈaky? [Waˈan tˈatsoojëmbity.] Biiblyë jyënaˈany ko Dios tsyejpy parë nmëbëjkëm ets ntsojkëm [käjpxë Isaías 41:13]. Tyäˈädë rebistë tëgëk pëky tnigajpxy wiˈixë Dios të yajniwäämbety ets pääty mayë jäˈäy të myëjagamgaˈagëdë.”

¡Despertad! Nobiembrë

“Tyam, mayë jäˈäy tpëkyë kuentë ko kyaj yˈokjaˈäjnë mayˈäjn wintsëˈkën. Mijts, ¿wiˈix tyam xyˈixyë jäˈäy jyukyˈaty? [Waˈan tˈatsoojëmbity.] Biiblyë ojts tnaskäjpxë ko niˈigyë jäˈäy axëëgë jyukyˈäjtën dyajnëjkxäˈändë ets niˈigyë axëëk jyaˈayˈatäˈändë [käjpxë 2 Timotee 3:1-5]. Tyäˈädë rebistë myaytyakypy ko pën wäˈätsë jukyˈäjtën nyajnëjkxëm extëm Biiblyë jyënaˈany, ta agujk jotkujk njukyˈäjtëm.”