Diˈib nnayajtëˈëwëm

◼ ¿Oy ko toxytyëjk nyaygyupaˈanëdët ko jyamyëdatëdët tuˈugë yetyëjk mä dyaˈëxpëkyë jäˈäy tyëjkˈagëˈëy?

Ko tuˈugë toxytyëjk tninëjkxët tuˈugë jäˈäy diˈib xëmë yaˈëxpëjkypy ets jyamyëdatëdët tuˈugë yetyëjk, oy ko nyaygyupaˈanëdët (1 Kor. 11:3-10). Mä liibrë “Nayaˈitëdë xëmë mä ja Diosë tsyojkën”, pajina 210 parrafo 1 nanduˈun jyënaˈany: “Ko dyaˈëxpëkët tuˈugë jäˈäy ets jyamyëdatëdët tuˈugë yetyëjk diˈib të nyëbajnë, tsojkëp nyaygyupaˈanëdët mët ko tˈëxkapy ja kutujkënë diˈibë Jyobaa të tmoˈoyë yetyëjk”. Duˈun mbäät ttuny ko jäˈäy dyaˈëxpëkët tyëgoty, tyëjkˈagëˈëy o waˈan ttimmääjëty.

Per ¿pën kyajnëm mët ja jäˈäy nyajkopkpëjkëm ja ëxpëjkën? Mbäät ja toxytyëjk kyaj nyaygyupeˈenyëty. Nan mbäät kyaj nyaygyupeˈenyëty ko tnijëmbitët ja jäˈäy parë ttukˈixäˈäny wiˈix yaˈëxpëkyë Biiblyë o tnimaytyäˈägäˈäny tuˈugë ëxpëjkpajn diˈib mëdë jäˈäy nˈëxpëjkëm. Jawyiin kanäkˈok yajnijëmbity tuˈugë jäˈäy parë nyajkopkpëjkëm ja ëxpëjkën, pääty këˈëm mbäädë toxytyëjk dyajˈyoˈoytyë jyot wyinmäˈäny näˈä mbäät nyaygyupaˈanëdë.