Nˈokpudëjkëmë jembyë parë kyëktëkëdë myëbëjkën

¡Jantsy jotkujk nnayjäˈäwëm wiˈixë Jyobaa tkunuˈkxyë nduunkˈäjtëm! (Deut. 28:2.) Jëmëjt jëmëjt, ja jäˈäy nyëbattë 250,000 naxy. Ko tuˈugë jäˈäy nyëbajnë, mbäädë net wyinmay ja diˈib yaˈëxpëjkëp ko kyaj tnekyyaˈëxpëkäˈäny parë wiinkpë tpudëkët. O nan mbäät ja diˈib të nyëbajnë wyinmay ko të jabäät yˈëxpëky parë niˈigyë dyajtunëdë tiempë mä Dios tyuunk. Per mëjwiin kajaa jyëjpˈamëty ets pënaty nyaˈëxpëjkëm yajxon kyopkpëkët. Duˈun “extëm tuˈugë kepy mëkë [tyikts] yˈääts yaˈityëty”, nanduˈun mbäät yˈity “mëk” mëdë Jesukristë ets niˈigyë dyajkëktëkët ja myëbëjkën (Kol. 2:6, 7; 2 Tim. 3:12). Pääty ko tuˈugë jäˈäy nyëbajtäˈäy, jëjpˈam ets yˈëxpëjkˈadëˈëtsët axtë ko dyajkëxëdë liibrë ¿Ti tukniˈijxëbë Biiblyë? etsë “Diosë tsyojkën” (ix mä Wiˈix nduˈunëmë Diosë Tyuunk diˈib abril 2011, pajina 2).