Jat wiˈix mas oy xytyunëdë Diosë tyuunk: ko xyajtsondäˈägëdë maytyaˈaky oytyim määjëty

¿Tiko jyëjpˈamëty? Ko nëjkxëm käjpxwäˈkxpë tëjkmdëjkm, taa jäˈäy diˈib kyaj mbäät nmëtmaytyakëm mët ko kyaj yajpäättë mä jyëën tyëjk. Per mbäät mëët nnaybyatëm mä klinikë, karroty, ko nˈagujkxyëˈäjtëm mä nduˈunëm o ko pyëtsëmdët arrekree pënaty eskuelëˈäjttëp. Jyobaa tsyejpy ets niˈamukë jäˈäy tnijawëdët wiˈix yˈixˈatäˈäny ja yˈAnaˈam Kyutujkën (1 Tim. 2:3, 4). Pääty, tsojkëp nduˈunëmë mëjää parë nyajtsondakëmë maytyaˈaky mëdë jäˈäy ets ndukmëtmaytyakëmë Diosë yˈayuk.

Wiˈix nduˈunëm:

Ix pën mbäät xymyëtmaytyaˈaky. ¿Mˈijxypy ja jäˈäy ko ajiiky amëguˈuk ets ko käjpxäämp maytyäˈägäämp? ¿Mˈijxypy ko mbäät tsuj yajxon mëët mgajpxy mmaytyaˈaky? Ta näägë nmëguˈukˈäjtëm diˈib jawyiin wyinˈijxpajttëbë jäˈäy ets ta net tmëtxiˈiktë. Pën ja jäˈäy mmëtxikëp, ta dyajtëkë maytyaˈaky.
Mënuˈkxtäˈägë Jyobaa mjodoty mwinmäˈänyoty pën kyaj mjotmëktaˈaky xyajtsondäˈägëdë maytyaˈaky (Neh. 2:4; Apos. 4:29).
Mbäät mëdë jäˈäy mdëkë käjpx maytyakpë ko nety të xykyäjpxpoˈkxy, duˈun extëmë Jesus, jawyiin ojts kyajpxy myaytyaˈaky mët ja samaritanë, taanëm ttukmëtmaytyaky ja Diosë yˈAnaˈam Kyutujkën (Fwank 4:7). Näˈäty, mbäät xyajtsondaˈaky ja maytyaˈaky ko jäˈäy xymyëjkumayët, extëm ko xyˈanëëmët: “Jantsy tsujëgaˈa mˈuˈunk mˈënäˈk tyim mëdoonëdë”. Nan mbäät xyajtëy: “¿Të xyˈixyë notisyë diˈib të nyaxy koots?”.
Ko nety të xyajtsondaˈaky ja maytyaˈaky, ta net xyˈixët näˈä xymyaytyaktëkëyaˈanyë Diosë yˈayuk. Yajnëˈëwits yajtuˈuwits ja maytyaˈaky. Mbäät yëˈë xymyaytyaˈaky diˈib ja jäˈäy nyijawëyäˈänëp parë tijaty myajtëwëdët. Extëm pën yëˈë mmaytyaktëbë familyë, mbäät xyˈanëëmë: “Ta käjpxwijënë diˈib mbäät xypyudëjkëm parë uˈunk ënäˈk nyajˈyaˈk nyajpajtëm”. Ets pën yëˈë mmaytyaktëp ti muum të tyuny të jyatyëty, mbäät xyˈanëëmë: “Per ta oybyë ayuk diˈibëts ëjts xyjotkujkmoopy”. Kyaj axëëk mnayjawëdët pën ja jäˈäy yajjëjpkëjxypy ja maytyaˈaky mä kyajnëm xytyukmëtmaytyaˈagyë Diosë yˈayuk.
Mmënëjkxë trataadë o wiinkpë ëxpëjkpajn parë xymyoˈoyëdë jäˈäy diˈib yˈoymyëdoobyë Diosë yˈayuk.

Tiko duˈun xykyatuny mä tyäˈädë poˈo:

Pëjtäˈägë mwinmäˈäny ets tuˈuk tuˈugë sëmään xyajtsondäˈägëdë maytyaˈaky oytyim määjëty parë xynyimaytyäˈägëdë Diosë yˈayuk.