Panëjkxtë ja kugajpxyëtyë yˈijxpajtën: Sofonías
1. ¿Wiˈixë nety ja tiempë yˈixëty ko Sofonías yajwinˈijxy parë tyunët kugajpxy, ets wiˈix xymyoˈoyëmë oybyë ijxpajtën?
1 Ja nety tyëgoyˈaty naa 650 jëmëjt parë myinëdë Kristë, ko jam Judá myëjwindëjkë mä yaˈˈawdatyë Baal. Ja rey Amón diˈib jantsy axëkjäˈäy, të nety näämnëmë jäˈäy yaˈoogyëty ets yëˈë netyë Josías të tyëkë anaˈambë (2 Crón. 33:21–34:1). Duˈunë nety ja tiempë yˈixëty ko Jyobaa twinˈijxyë Sofonías parë ttukˈawanëdë jäˈäy ko yajminaambyë kutëgoˈoyën. Sofonías amëk jotmëk ojts ttukˈawanë pënaty nyiwintsënˈäjttëp ja nax käjpn wiˈixë netyë Jyobaa tyukumëdowäˈänëdë, oyë nety yëˈë tjafamilyëˈatyë anaˈambëtëjk (Sof. 1:1; 3:1-4). Nanduˈun ëtsäjtëm, tsojkëp nyaˈijxëmë jotmëkˈäjtën extëmë Sofonías ets kyaj nasˈijxëm parë nfamilyëˈäjtëm xyajtuˈudujkëm mä nDiosmëduˈunëm (Mat. 10:34-37). ¿Ti Sofonías ojts tnigajpxy, ets wiˈix wyimbëtsëëmy?
2. ¿Tijaty mbäät nduˈunëm parë Jyobaa xyajnitsokëm ko dyajminët ja tsyip yˈakë?
2 “Ëxtäˈäytyë Jyobaa.” Yëˈëyë Jyobaa diˈib mbäät dyajtsoˈogyë jäˈäy ko dyajminyë tsyip yˈakë. Päätyë Sofonías tˈanmääy ja jäˈäyëty diˈib Judá parë tˈëxtäˈäytyëdë Jyobaa, tˈëxtäˈäytyët ja tëyˈäjtën ets ja yujyˈat tudaˈakyˈat mä tˈakmëdattë tiempë (Sof. 2:2, 3). Nanduˈun tyam jyaty. Ets duˈun extëmë Sofonías, nan tsojkëp nˈanmäˈäyëmë jäˈäy parë tˈëxtäˈäytyëdë Dios, per nan jëjpˈam ets ëtsäjtëm duˈun nduˈunëm. ¿Wiˈix? Ko nbëjtakëmë winmäˈäny ets xëmë nbanëjkxëmë Jyobaa (Sof. 1:6). Nˈëxtäˈäyëmë netyë Jyobaa, ko oytyaˈagyëˈaampy nˈëxpëjkëmë Biiblyë ets ko nˈanmäˈäyëm parë xytyuˈumoˈoyëm. Nˈëxtäˈäyëmë nety ja tëyˈäjtën, ko nyajnëjkxëmë jukyˈäjtënë wäˈäts. Ets nˈëxtäˈäyëmë nety ja yujyˈat tudaˈakyˈat, ko ngajpxykyupëjkëm ets nmëmëdoˈojëm xondaˈakyˈää xondaˈakyjyot wiˈixë Jyobaa kyäjpn xytyuˈumoˈoyëm.
3. ¿Tiko mbäät nwinmäˈäyëm ko oybyëtsëmäämp ko nduˈunëmë Diosë tyuunk?
3 Oybyëtsëëmp. Ko Sofonías ojts kyäjpxwaˈkxy jam Judá ojts pyudëkëdë tuˈuk majtskë jäˈäy, per diˈib mas pudëjkë yëˈë Josías, diˈib desde mutsknëm tˈëxtääyë Jyobaa. Ok, ta Josías tpadëjkë parë dyajjëjptëgoyaˈany mä nety yaˈˈawdatyë wiink dios (2 Crón. 34:2-5). Ko ngäjpxwäˈkxëm tyamë Diosë Kyutujkën, ta nääk ja tëëm kyaˈay tuˈubëˈääy, tsääjoty o apynyoty, per ta diˈib käˈäp mä oy nyax ets dyakyë tyëëm (Mat. 13:18-23). Ijtëm seguurë ko pën kyaj nmastutëmë tyäˈädë tuunk, Jyobaa xykyunuˈkxäˈänëm mä ngäjpxwäˈkxëm ja yˈAnaˈam Kyutujkën (Sal. 126:6).
4. ¿Tiko mbäät nˈawijx njëjpˈijxëmë Jyobaa?
4 Nääk ja jäˈäyëty diˈib Judá, wyinmääytyë ko Jyobaa ninäˈä tkayajminäˈäny ja kutëgoˈoyën. Perë Jyobaa jyënany ko wingonë nety yˈity ja myëj xëë (Sof. 1:12, 14). Ets ko yëˈëyë nety yajnitsoˈogaampy pënaty aˈoˈkëdëp (Sof. 3:12, 17). Pääty, mientrës nˈawijx njëjpˈijxëmë Jyobaa, nˈoktukxondakëm xëmë ko nmëduˈunëm mët niˈamukë nmëguˈukˈäjtëm diˈib nanduˈun mëduunëdëp (Sof. 3:8, 9).