¿Wiˈixë jäˈäy nmëtmaytyakëm?

¿Wiˈix nyaˈëxpëjktsondakëmë jäˈäy mä tim jawyiimbë sääbëdë diˈib oktuubrë?

“Yëˈëjëts ja jäˈäy mëët ngäjpx nmaytyäˈäktë ets nimay myëbëjktëp ko taa anklësëty. Per nääk wyinmaytyë ko niˈamukë anklësëty ak oyjyaˈay ets mbäät xypyudëjkëm. ¿Wiˈix mˈokwinmay? [Waˈan tˈatsoojëmbity.] Dios të xymyoˈoyëm ja madakën parë nwinˈijxëm pën ndunäˈänëm diˈib oy o diˈib axëëk. Jotmaymyëët njënäˈänëm ko kyaj niˈamukë anklësëty tmëmëdoodë Dios.” Tukˈix ja artikulo diˈib miimp rebistë ëxkëˈëy mä Diˈib Xytyukˈawäˈänëm septiembrë-oktuubrë, nimaytyäˈäk ja myëmajtskpë yajtëˈëwën ets käjpx naa tuˈugënë tekstë. Awanë tyäˈädë rebistë mëdë ¡Despertad! ets anëëmë ko jatëgok mjëmbitäˈäny parë xyˈatsoojëmbitët jatuˈukpë yajtëˈëwën.

Diˈib Xytyukˈawäˈänëm Septiembrë-oktuubrë

“Mayë jäˈäy myëmääy myëdäjtëp ko nëgoo tyim jaˈäjnë kontaminasionk. Wiˈix mˈokwinmay, ¿waˈandaa Dios tmëmay tmëdäjy ko jäˈäy dyajwindëgoytyë Naxwinyëdë? [Waˈan tˈatsoojëmbity ets ta xykyäjpxëdë Diˈibʉ Jatanʉp 11:18.] Tyäˈädë rebistë yëˈë nyimaytyakypy wiˈixë Dios tkuentˈatäˈänyë Naxwinyëdë ets wiˈix ndukˈoyˈatäˈänëmë kyunuˈkxën mä tiempë myiny kyëdaˈaky. Njatsojkënyëˈajtypyëts parë xyajwëˈëmët ets ja xykyäjpxët.”

¡Despertad! Oktuubrë

“Yëˈëtsë jäˈäy nbudëjkëp parë tnijawëdët wiˈix yaˈˈatsoojëmbityë tyäˈädë yajtëˈëwën. [Tukˈix ja rebistë.] Wiˈix mˈokwinmay, ¿jëjpˈamëdaa tuˈugë jäˈäy myëkjäˈäytyäˈägët parë ttukˈoybyëtsëmët tijaty mä jyukyˈäjtën? [Waˈan tˈatsoojëmbity.] Biiblyë nyigajpxypy wiˈix mbäät nˈijxëmë jukyˈäjt madakën. [Käjpxë Lukʉs 12:15.] Ets nan nyigajpxypy ko mbäät oypyënëty ttukˈoybyëtsëmy tijaty mä jyukyˈäjtën. Tyäˈädë rebistë yëˈë yˈaknimaytyakypy.”