Kanäk pëky jyaˈˈatyë tuumbajn parë jäˈäy nyaˈëxpëjkëm
1. ¿Wiˈixë Dios mëduumbë yaˈijxkijpxyë mët tuˈugë tsajtspë?
1 Tuˈugë tsajtspë kanäk pëkyë tyuumbajn tmëdaty. Tam diˈib xëmë yajtuumpy, ets tam diˈib näˈäganäˈäty. Diˈib jeky kujk ttuunkˈäjnë tsajts jëˈtk, yëˈë xëmë myënëjkxypy ja tyuumbajn diˈib mas yajtuumpy ets diˈib tyukjäjtypy. Biiblyë yˈanmaapy niduˈuk niduˈugë Dios mëduumbë ets tjotmoˈoyët mä yˈëwaˈkxy kyäjpxwaˈkxy ets yˈitët “extëm tuˈugë oybyë mëduumbë diˈibë kyaj tii diˈibë tyuktsoytyunëp” (2 Tim. 2:15). ¿Diˈibë tuumbajn mas jëjpˈam nyajtuˈunëm? Yëˈë Biiblyë. Yëˈë diˈib nyajtuˈunëm parë jäˈäy nyaˈëxpëjkëm ets tpanëjkxëdë Jesus (Mat. 28:19, 20). Pääty, jëjpˈam ets nduˈunëmë mëjää parë yajxon nyajtuˈunëmë Diosë yˈAyuk. Per nan tsojkëp niˈamukë njäjtëm ets yajxon nyajtuˈunëmë wiinkpë ëxpëjkpajn diˈib nmëdäjtëm parë jäˈäy ndukniˈˈijxëmë tëyˈäjtën (Prov. 22:29).
2. ¿Tijaty tuumbajn nmëdäjtëm diˈib xëmë nyajtuˈunëm parë jäˈäy nyaˈëxpëjkëm?
2 Tuumbajn diˈib xëmë nyajtuˈunëm parë jäˈäy nyaˈëxpëjkëm. Kyaj yëˈëyë Biiblyë nyajtuˈunëm, nan nmëdäjtëmë liibrë ¿Ti tëyˈäjtën jantsy tukniˈijxëbë Biiblyë?, tyäˈädë liibrë yëˈë diˈib mas nyajtuˈunëm parë jäˈäy nyaˈëxpëjkëm. Ko mëdë jäˈäy nˈëxpëjktäˈäyëmë tyäˈädë liibrë, ta net mëët nˈëxpëjkëmë “Nayaˈitëdë xëmë mä ja Diosë tsyojkën” parë tnijawët wiˈix mbäät tpaduny ja käjpxwijën diˈib miimp mä Biiblyë. Pääty, tsojkëp njäjtëm yajxon nyajtuˈunëmë tyäˈädë majtskpë ëxpëjkpajn. Nan taaˈäjtp kanäägë foyetë diˈib mbäät nyajtuˈunëm parë jäˈäy nyaˈëxpëjktsondakëm, extëmë Oybyë ayuk diˈib tsoˈomp mä Dios. Ets pën mä territooryë jamë jäˈäy diˈib tsiptakxëp lyetrëkäjpxët, o tkajpxyë wiink ayuk ets kyaj ti ëxpëjkpajn mä yˈayuk o jeˈeyënëm pyëtsëmy tuˈuk majtsk, mbäät mëët nˈëxpëjkëmë foyetë Mëdow ko Dios mmëgajpxyëty o Mëdow ko Dios mmëgajpxyëty ets mjukyˈatët winë xëë. Jatuˈugë foyetë diˈib nyajtuˈunëm yëˈë ¿Pënaty tyam tyuundëp ti Jyobaa tsyejpy?, tyäˈädë foyetë pyudëjkëp ja diˈib nyaˈëxpëjkëm parë tˈixyˈatëdë Jyobaa kyäjpn. Bideo nan mbäät xypyudëjkëm parë jäˈäy nyaˈëxpëjkëm ets oy ko njäjtëm nyajtuˈunëm. Extëm ¿Tiko xyˈëxpëkëdë Biiblyë?, ¿Ti yajtuump mä tyuˈukmuktë Jyobaa tyestiigëty? ets ¿Wiˈixë jäˈäy tˈëxpëkyë Biiblyë?
3. ¿Tijaty njatäˈänëm mä Wiˈix nduˈunëmë Diosë Tyuunk diˈib ak pëtsëmäämp?
3 Mä Wiˈix nduˈunëmë Diosë Tyuunk diˈib ak pëtsëmäämp, yëˈë xypyudëkëyäˈänëm parë njäjtëm nyajtuˈunëmë ëxpëjkpajn diˈib nmëdäjtëm parë jäˈäy nyaˈëxpëjkëm. Pën njäjtëm nyajtuˈunëm yajxon, yëˈë nety nbanëjkxëmë tyäˈädë käjpxwijën diˈibë Biiblyë yajkypy: “Kuentëˈat ja mjikyˈäjtën es ja mˈëxpëjkën. Dëˈënyëmë dëˈën xytyunët, es dëˈën nëjx mnitseˈeky es nandëˈën diˈibaty mmëmëdoojëdëp” (1 Tim. 4:16).