Jat wiˈix oy xytyunëdë Diosë tyuunk: ko mgäjpxwäˈkxët mä jäˈäy jyuy tyooktë

Tiko jyëjpˈamëty. Kom mayë jäˈäy tyundë tsuubäät, oyxyëp ko nëjkx ndukmëtmaytyakëmë Diosë yˈayuk mä jam tyundë. Ko ngäjpxwäˈkxëm mä jäˈäy jyuy tyooktë, mbäät jotkujk xyajnayjäˈäwëm ets oy wyimbëtsëmy, pes xëmë jäˈäy yajpäättë. Ets pënaty jam tuundëp, nan oy tˈagëˈë tˈaxäjëdë jäˈäy diˈib yˈijxtëp ko juyandëp. Parë oy wyimbëtsëmët ko duˈun ngäjpxwäˈkxëm, tsojkëp oy nnaywyit nnayxyojxëm ets nˈëxtäˈäyëmë winmäˈäny wiˈix nduˈunëm (2 Kor. 6:3). Ja diˈib yˈijxypy wiˈix ngäjpxwäˈkxëm, tsojkëp tˈixët yajxon winnäˈäjaty kyäjpxwäˈkxtët mä jäˈäy jyuy tyooktë ets pënaty duˈun käjpxwäˈkxtëp.

Wiˈix nduˈunëm:

Tuundäˈäk wiˈix xymyëtmaytyäˈägäˈäny naa kon. Pën mëtmaytyakypy jeky ja tuumbë, mbäät kyaj mnekyyajnaˈixy ko jatëgok mjëmbitët.
Ninëjkx ja jäˈäy mä jyuy tyooktë mä kyaj nëgoo pën, extëm ko jeˈeyë tyim najäˈttë.
Mmëtmaytyäˈäk ja diˈib nyiwyintsënˈäjtypy ja juy tooky ets it ajiiky amëguˈuk. Mbäät xyˈanëëmë: “Yëˈëts nguˈijxëdëbë jäˈäy mä tyundë, mët ko tsip yajpäättë mä jyëën tyëjk”. Ko nety waanë të xymyëtmaytyaˈaky, ta net xymyoˈoyët tuˈugë trataadë, rebistë o wiinkpë ëxpëjkpajn. Këdii xyˈamdoyë meeny pën kyaj dyajtëy wiˈix pyëtsëmy ja ëxpëjkpajn, parë kyaj wyinmayët ko toˈkëm.
Pën ajiiky amëguˈuk ja diˈib nyiwintsënˈäjtypyë juy tooky, amdowë permisë parë mbäät xymyëtmaytyaˈaky ja tuumbëtëjk. Mä näägë lugäär mä jyuy tyooktë, tapë poˈkxtakn, mbäät nyajtëˈëwëm pën mbäät jap nnikakëm ja ëxpëjkpajn.
Ix wiˈix yˈoybyëtsëmët ets näˈä jäˈäy xymyëtmaytyäˈägët. Extëm, pën jamë juuybyë myiny o jam ti ttuny, awix parë xymyëtmaytyäˈägët.

Tiko duˈun xykyatuny mä tyäˈädë poˈo:

Ko jatëgok mDiosˈawdattët mëdë mFamilyë, tuundäˈäk wiˈix xymyëtmaytyäˈägäˈänyë jäˈäy ko nety mgäjpxwaˈkxy mä jyuy tyooktë.