Jëjpˈam ets jawyiin niˈëxpëjkëm parë oyë jäˈäy ndukniˈˈijxëm

Naa majtskˈokënë Jesus yajtëëwë jäˈäy wiˈix tpäädëdë jukyˈäjtënë winë xëëbë. Jesus tëgatsyaty tˈatsooy, yëˈë yˈijxy wiˈixë nety ja jäˈäy yajpudëkëyaˈany (Luk. 10:25-28; 18:18-20). Nanduˈun ëtsäjtëm, oy yajxon njanijäˈäwëm ti nëjkxë jäˈäy ndukniˈˈixëyäˈänëm, jëjpˈam ets jawyiin niˈëxpëjkëm parë nnijäˈäwëm wiˈix yajpudëkëyaˈany. ¿Ti tsiptakxëp tjaygyukët o tkupëkët? Ko mët ja jäˈäy nˈëxpëjkëm, ¿diˈibë tekstë mbäät ngäjpxëp diˈib miimp mä ja parrafo? ¿Nääk parrafo mëët nˈëxpëjkëm? Mbäät nwinmäˈäyëm ti ijxpajtën nbëjtäˈägäˈänëm, wiˈix ndukmëtmaytyäˈägäˈänëm o tijaty nyajtëwäˈänëm diˈib mbäät pyudëkëty parë tjaygyukët ti mëët nˈëxpëkäˈänëm. Per nˈokjamyajtsëm ko Jyobaa, yëˈë diˈib yajˈyoompy ja tëëm diˈib naxkëdakp mä jäˈäyë jyot kyorasoon. Pääty, tsojkëp nˈamdoˈowëm parë tpudëkët ja diˈib nyaˈëxpëjkëm ets parë nanduˈun xypyudëjkëm ko niˈëxpëjkëm parë ja jäˈäy ninëjkxäˈänëm, ets xykyunuˈkxëm mä nbudëjkëm ja jäˈäy parë wyimbatët (1 Kor. 3:6; Sant. 1:5).