Panëjkxtë ja kugajpxyëtyë yˈijxpajtën: Habacuc

1. ¿Tiko njaygyujkëm yajxon extëmë Habacuc nyayjäˈäwë?

¹ Ko nˈijxëm wiˈix niˈigyë myëjwindëkë axëkˈäjtën, mbäät duˈun nnayjäˈäwëm extëmë Habacuc, diˈib yajtëëwë Jyobaa tiko tnasˈixë axëkˈäjtën (Hab. 1:3; 2 Tim. 3:1, 13). Ko nbawinmäˈäyëm extëmë Habacuc jyënany ets ko nˈijxëm wiˈix xëmë tmëduunyë Jyobaa, yëˈë xypyudëkëyäˈänëm parë nmadakëm myentrës jyaˈty ja xëë mä Jyobaa tpayoˈoyaˈanyë naxwinyëdë jäˈäy (2 Peed. 3:7).

2. ¿Ti mbäät nduˈunëm parë xëmë nmëduˈunëmë Dios extëmë Habacuc?

² Nˈokmëduˈunëm xëmë Dios. Habacuc kyaj yëˈëyë tmëmääy tmëdäjy tijatyë nety tuun jäjtëp, yëˈë xëmë tmëduunyë Dios ets kyaj nyaygyumanäjxë (Hab. 2:1). Jyobaa yˈanmääyë Habacuc ko seguurë nety yˈadëwäˈäny diˈib të tnigajpxy ko ja tiempë ttukjäˈtët, ets ko pënaty xëmë mëduunëp jukyˈäjtˈadëˈëtsandëp (Hab. 2:2-4). ¿Ti tukniˈˈijxëdëbë Dios mëduumbë diˈib tyam jukyˈäjttëp mä tiempë jyëjpkëxanë? Ko diˈib mas jëjpˈam, yëˈë nˈijtëm seguurë ko minäämp ja kutëgoˈoyën, ets kyaj jeˈeyë nnijawëyäˈänëm näˈä myinäˈäny. Ko nmëdäjtëmë mëbëjkën, yëˈë xypyudëjkëm parë kyaj nnaygyumanäjxëm ets nbëjtakëm jëjpˈam ja Diosë tyuunk (Eb. 10:38, 39).

3. ¿Tiko mbäät nmëduunˈadëtsëmë Jyobaa agujk jotkujk?

³ Jotkujk nnayjäˈäwëm ko nmëduˈunëmë Jyobaa. Ko Gog diˈib tsoˈomp Magog tnibëdëˈëgëdë Jyobaa kyäjpn, ja mä yaˈijxmatsäˈänyë mëbëjkën (Ezeq. 38:2, 10-12). Ko tyunyëtyë tsip, xëmë jäˈäy tkuˈayowëdë axtë diˈib madaktëp. Yajtëgooytyëp tijaty myëdäjttëp ets amääytyakpë jeˈxy pëky, ets tijaty myëdäjttëp kyaj nyekytsyobääty. ¿Ti nëjkx nduˈunëm ko duˈun tyun jyatëdët? Habacuc nyijäˈäwëbë nety ko pyäädaambyë jotmay, päätyë wyinmäˈäny tpëjtaky tmëdunäˈänyë Jyobaa agujk jotkujk (Hab. 3:16-19). Ko Jyobaa xymyoˈoyëmë jotkujkˈäjtën, yëˈë xypyudëkëyäˈänëm parë nmëmadakëmë amay jotmay (Neh. 8:10; Eb. 12:2).

4. ¿Ti tyam mbäät nduˈunëm ets nan ti ndunäˈänëm mä tiempë myiny kyëdaˈaky?

⁴ Jyobaa duˈunyëm ttukniˈˈixëyaˈanyë nyëˈë tyuˈu pënatyë nety të tkuwäˈäny mä ja naxwinyëdë jäˈäy të tpayoˈoy (Hab. 2:14). Ets pënatyë nety të jyukypyëktë, yajtukniˈˈixëyandëp pënën Jyobaa. Pääty, nˈokpëjtakëmë winmäˈäny parë xëmë ndukniˈˈijxëmë jäˈäy pënën Jyobaa ets tijaty të ttuny (Sal. 34:1; 71:17).