Kyaj duˈunë jäˈäy xyaˈëxpëkët

Kyaj nëgoo mmaytyäˈägët. Këdii mwinmay ko mijts mnimaytyaktäˈäyëp. Jesus yajtëëw tijatyë jäˈäy parë tpudëjkë ets këˈëm tijaty tjaygyukët (Mat. 17:24-27). Ko tijaty xyajtëwët, ta kyaj tsyipkaˈaxët ets ta xyˈixët ti myëbëjkypy ets pën jyaygyujkëp ti jam mˈëxpëjktëp (be-S paj. 253 parr. 3, 4). Ko ti xyajtëwët, mmaˈkxtuk ets awix parë tˈatsowët. Pën kyaj tnijawë wiˈix yˈatsoowëmbitët, kyaj xytyukˈawanët. Mbäät tijaty xyˈakˈyajtëy parë këˈëm tjaygyukët wiˈix yaˈˈatsoowëmbitäˈäny (be-S paj. 238 parr. 1, 2). Oytyaˈagyë xytyukmëtmaytyäˈägët extëm mbäät tjaygyukë diˈib kyaj ttimnijawë (be-S paj. 230 parr. 4).

Kyaj xynyimaytyäˈägët tsip. Këdii xytyukmëtmaytyaktäˈäy tijaty mnijäˈäwëp mä diˈib jam mˈëxpëjktëp (Fwank 16:12). Yëˈëyë diˈib jëjpˈam mä ja parrafo (be-S paj. 226 parr. 4 paj. 227 parr. 1). Ko nëgoo xytyim nimaytyäˈägët, mbäät tyëgoy diˈib jëjpˈam, oyxyëp jyayaˈoymyëdoobë (be-S paj. 235 parr. 3). Pën të tjaygyukë, nax mä ja tuˈugë parrafo.

Kyaj jeˈeyë xykyäjpxët diˈib miimp. Kyaj jeˈeyë ngäjpxäˈänëm extëm myiny mä ëxpëjkpajn, njotjäˈtëyäˈänëm ja jäˈäy (Luk. 24:32). Yajtun ja mëkˈäjtën diˈib myëdäjtypyë Diosë yˈAyuk ko xynyimaytyäˈägëdë tekstë diˈib jëjpˈam (2 Kor. 10:4; Eb. 4:12; be-S paj. 144 parr. 1-3). Pëjtäˈägë ijxpajtën diˈib wingëjxy (be-S paj. 245 parr. 2-4). Ix tijaty jotmay wyinguwäˈkëp tuˈuk tuˈugë jäˈäy diˈib myaˈëxpëjkypy ets tijaty myëbëjkypy, ets yëˈë net mëët xyˈëxpëktët. Mbäät xyajtëy: “¿Wiˈix mˈokwinmay mä diˈib tyam të nˈëxpëjkëm? ¿Ti xytyukniˈˈijxëm mä Jyobaa? Pën mguytyuumbyë tyäˈädë käjpxwijën, ¿wiˈix mbudëkëyaˈanyëty?” (be-S paj. 238 parr. 3-5; paj. 259 parr. 1).