Jesus dyajkayë mayjyaˈay ets niwaanë diˈib yajtuumpy

Mä nety ttimpatnë ja Paskë xëëw mä jëmëjt 32, Jesus ta ttuuny tuˈugë miläägrë diˈib jeˈeyë miimp mä ja taxkpë Evangelio.

Ko Jesus ttuunyë tyäˈädë miläägrë, ta tpëjtaky extëmë ijxpajtën diˈib axtë tyambäät tuump.

14:16-21

• Jesus yˈanmääy ja yˈëxpëjkpëty parë dyajkaytyët ja mayjyaˈay, oyë nety jeˈeyë tmëdattë mëgoxkë tsäjpkaaky ets majtskë äjkx.

• Jesus ta tkonëˈky ja tsäjpkaaky ets ja äjkx, ets ko nyuˈkxtaktääy, ta tmooy ja yˈëxpëjkpëty, ets ja yˈëxpëjkpëty ta tmooytyë ja mayjyaˈay.

• Niˈamukë kyaaytyaaytyë mëjˈäjtëngyëjxm ets yˈujts jyotkëdaktë. Extëm nˈijxëm, Jesus yajkääy milˈamë jäˈäy mët yëˈëgyëjxm ja yˈëxpëjkpëty, diˈib niwaanë.

  

• Jesus ojts tnaskäjpxë ko mä ja tiempë tyim jëjpkëxanë, ta twinˈixäˈäny pënaty yajtunaampy parë “bom bom dyajkayët ja poˈoduumbëty” (Mat. 24:45).

• Mä jëmëjt 1919, ja Jesus twinˈijxy ja tuumbë “diˈibë kuwijy es tyiimpy ti wyintsën tsyejpy”, yëˈë tuk grupë nmëguˈukˈäjtëm diˈib të yajwinˈixtë parë nyëjkxtët tsäjpotm, yëˈë të yajtuknipëktë parë dyajkay dyaˈuuktët ja “poˈoduumbëty”, o niˈamukë ja Dios mëduumbëty.

• Jesus yëˈë tyam yajtuumpy ja niwaanëbë nmëguˈukˈäjtëm diˈib nëjkxandëp tsäjpotm, duˈun extëm ttuuny mä primer siiglë.

¿Wiˈixëts mbäät nyajnigëxëˈëky ko ngupëjkypyëts ets nwintsëˈkëbëts pënatyë Jesus yajtuumpy parë ja kyäjpn tmoˈoy ja käˈäy ukën diˈibë yajtëgoyˈajtypy?