Jat wiˈix oy xytyunëdë Diosë tyuunk: Tukniˈˈixë ja diˈib myaˈëxpëjkypy parë kontiempë yˈëxpëkët

TIKO JYËJPˈAMËTY. Pën ja diˈib nyaˈëxpëjkëm kontiempë yˈëxpëky, ta pojënë tjaygyukëyaˈany ets kyaj tjäˈäytyëgoyaˈany diˈib yˈëxpëjkypy. Ets yëˈë pudëkëyanëp parë pojën wyimbatët. Ko nety të nyëbajnë, nan tsojkëp tˈëxpëkët kontiempë diˈib naxäämp mä tuˈukmujkën ets wiˈixë jäˈäy tmëtmaytyäˈägäˈäny parë yˈitët listë (Mat. 25:13). Ko tjatët wiˈix yˈëxpëkët ets ko xëmë duˈun ttunët, ta ttukˈoyˈatët nuˈunë xyëëw jyukyˈäjtën. Pääty, oy ko netyë ndukniˈˈijxëm wiˈix yˈëxpëktët kontiempë.

WIˈIX MBÄÄT NDUˈUNËM

• 

  Yakë oybyë ijxpajtën (Rom. 2:21). Niˈëxpëkë jawyiin diˈib mnimaytyäˈägaampy ets winmay ja diˈib myaˈëxpëjkypy (km 11/15 paj. 3). Tukˈix ko të xyˈajäˈäy ja mˈëxpëjkpajn.

• 

  Anëëmë parë kontiempë yˈëxpëkët. Ko nety jëjwitsë mëët mˈëxpëjknë, ta xyˈanëëmët ko duˈunën xëmë mëët mˈëxpëkäˈäny ets tukmëtmaytyäˈäk wiˈix pyudëkëyaˈanyëty. Anëëmë wiˈix tjuudëdë tiempë parë yˈëxpëkët. Näägë nmëguˈukˈäjtëm tyukˈanuˈkxtëp ja yˈëxpëjkpajn ja jäˈäy diˈib yaˈëxpëjkypy parë tˈixët mäjaty të tˈajäˈäy. Pën të kontiempë yˈëxpëky, anëëmë ko jantsy oy duˈun të ttuny.

• Tukniˈˈixë wiˈix yˈëxpëkët. Näägë nmëguˈukˈäjtëm ko dyaˈëxpëjktsoondë jäˈäy, ta ttukniˈˈixëdë wiˈix kontiempë yˈëxpëkët.