¿Ti mbäät nduˈunëm parë nbanëjkxëmë Jesus?

9:62

Ja yajtsäjkäyuubë kyaj nety mbäät yˈijxëmbity pën tëyë ttsoky pyëtsëmët ja syurkë. Nanduˈun tyam pënaty pyanëjkxtëbë Jesus, kyaj mbäät tnasˈixëdë ets yëˈë yajtuˈuˈadukëdët tijaty të tmastuˈuttë yä naxwiiny (Filip. 3:13).

Ko tyam nbatëmë jotmay, mbäät nwinmäˈäyëm ko jantsy oy ijty njukyˈäjtëm mä kyajnëm nˈixyˈäjtëmë Jyobaa. Ko duˈun xëmë nmëmäˈäy nmëdäjëm, ta kyaj nˈokjamyajtsënë ko nan oˈktëy ijty njäjt ngëbajtëm. Duˈunën jyäjttë ja israelitëty ko pyëtsëëmdë Egipto (Núm. 11:5, 6). Ko xëmë njamyajtsëm wiˈix ijty njukyˈäjtëm, mbäät nwinmäˈäyëm ko duˈun jatëgok njukyˈatäˈänëm. Niˈik oy ko yëˈë njamyajtsëm ja kunuˈkxën diˈib tyam nˈaxäjëm ets kyaj njäˈäytyëgoˈoyëm ja kunuˈkxën diˈib nˈaxäjëyäˈänëm mä ja Diosë yˈAnaˈam Kyutujkën (2 Kor. 4:16-18).