¿Nbëjkëmë kuentë wiˈixë Dios jyaˈayˈaty?

Ko nˈijxëm tuˈugë pëjy, tuˈugë mëj nëëdax o nbatˈijxëmë may myëtsäˈä, ¿nwinmäˈäyëm ja Dios diˈib të dyajkojy? Ko nˈijxëm tijatyë Jyobaa të dyajkojy, ta nbëjkëmë kuentë wiˈix tmëdatyë oybyë jäˈäyˈäjtën (Rom. 1:20). Ko njuˈtëmë tiempë parë nbawinmäˈäyëm ja kyojy pyëjtaˈaky, ta nˈijxëm ko myëdäjtypyë tsojkën, wijyˈäjtën, tëyˈäjtën, oyjyaˈayˈäjtën ets kumëjääw (Sal. 104:24).

¿Diˈibatyë Jyobaa kyojy pyëjtaˈaky mˈijxëp tuˈuk tuˈugë xëëw? Oy ntsënäˈäyëm mä tuˈugë siudad, mbäät nˈijxëm extëmë joon o ääy kepy. Ko yajxon nˈijx nduˈunëm ja Diosë kyojy pyëjtaˈaky, mbäät xypyudëjkëm parë kyaj nëgoo nmäˈäy ndäjëm, ko mbäät dyaˈoyë ja njotmayˈäjtëm ets niˈigyë ja mëbëjkën kyëktëkë ko Jyobaa xëmë xyˈijxˈitäˈän xykyuentˈatäˈänëm (Mat. 6:25-32). Pën mijts jamë mˈuˈunk mˈënäˈk, pudëkëdë parë tˈixtët ko Jyobaa myëdäjtypyë oybyë jäˈäyˈäjtën. Ets pën nmëjjäˈäwëm ja Jyobaa kyojy pyëjtaˈaky, ta niˈigyë nmëwingonäˈänëm (Sal. 8:3, 4).

KO NETY TË YAˈIJXTÄˈÄYË BIDEO DIOSË KYOJY PYËJTAˈAKY YËˈË YAJNIGËXËˈKYPYË MYËJˈÄJTËN: JÄJ TËˈKXËN ETSË KOLOOR, TA YAˈˈATSOOWËMBITËDË TYÄˈÄDË YAJTËˈËWËN:

• ¿Tiko nˈijxëm këxy kaˈpxyë koloor?

• ¿Tiko nˈijxëm näägë koloor diˈib adëˈkx ajäjp?

• ¿Tiko tsäjp tyëgatsyë kyoloor?

• ¿Ti koloorë tsujatypyë mˈijxypy mjënbëˈääy mdëjkpëˈääy?

• ¿Tiko jyëjpˈamëty njuˈtëmë tiempë parë yajxon nˈijx nduˈunëm ja Diosë kyojy pyëjtaˈaky?