Mmastuˈuttë ja mjekyjyukyˈäjtënë axëëkpë ets jukyˈattë ja jembyë jukyˈäjtën

3:5-14

Ko xynyijäˈäwë tëyˈäjtën, waˈan mëjwiin kajaa xyyajtëgäjtsyë mjukyˈäjtën. Ets mbäät mˈity seguurë ko Jyobaa jantsy jotkujk nyayjyäˈäwë ko duˈun xytyuuny (Ezeq. 33:11). Per jëjpˈam ets duˈunyëm xytyunëdë mëjääw parë xyyajnigëxëˈëgët ja jembyë jukyˈäjtën ets mnaygyuentˈatëdët parë kyaj jatëgok mjukyˈatët extëm ijty. Parë xyˈixët mäjaty mbäät mnayaˈoyëty, atsoowëmbitë tyäˈädë yajtëˈëwën:

• ¿Duˈunyëmëts ndukˈakˈaty ja diˈibëts axëëk të xytyuny?

• ¿Maˈkxtujkpëts oyëts näˈäty njantsy jyotëgoy o nˈanuˈkxëts?

• Kots xytyukminyë axëëkpë jot winmäˈäny, ¿netyëts nyajjëgeˈeky?

• ¿Nbejxypyëtsë jäˈäy diˈib wiink lugäär tsoˈomp o diˈib wiink rasë?

• ¿Tëts näämnëm pën nmëkmëˈˈëy nmëkmëgajpxy o kyajts të nmaˈkxtuky?