Yajnijawë pën yajtijp ja mëj tëgoybyokyjyaˈay

2:6-12

¿Tijaty myaytyakë Pablo mä tyäˈädë tekstë?

• 

  “Ti yaˈˈadujkëp” (bersikulo 6), waˈan yëˈë tˈandijy ja apostëlëtëjk.

• “Nyigëxëˈëgët pën jaˈa” (bersikulo 6), ko ja apostëlëty ojts yˈoˈktääynyëdë, ta nyigëxëˈky pënaty nety kyaj tjantsy pyanëjkxtë Kristë ko dyajtëjkëdë tukniˈˈijxënë diˈib kyaj tyëyˈäjtënëty.

• “Diˈibë tadë mëj tëgoybyekyjyaˈay tyunaampy ayuˈutsyë” (bersikulo 7), ja tiempë mä Pablo jyukyˈajty kyajnëmë nety yajxon nyigëxëˈëky pënën yˈandijpy ja “mëj tëgoybyekyjyaˈay”.

• 

  “Mëj tëgoybyekyjyaˈay” (bersikulo 8), yëˈë duˈun yajtijtëp niˈamukë ja wintsëndëjk diˈib mä relijyonk, diˈib jënandëp ko tpanëjkxtë Kristë.

• “Diˈibë Nintsënˈäjtëm Jesukristë yaˈoogaampy” ets “dyajtëgoyaˈany mëdë jyäj tyëˈxën ko nety myiny” (bersikulo 8), Jesus yajxon dyajnigëxëˈëgäˈäny ko tam yˈaneˈemy tsäjpotm ko dyajkutëgoyët tukëˈëyë diˈibë Satanás yˈaneˈempy, ets ja “mëj tëgoybyekyjyaˈay”.

¿Tikoxyëp mbäät xypyudëjkëmë tyäˈädë tekstë parë niˈigyë ndukˈijt ndukxoˈonëmë Diosë tyuunk ets ndukjotëgoˈoyëm?