Dios kyaj tjäˈäytyëgoy tijaty ndukmëduˈunëm

Niˈamukë Dios mëduumbë mbäät ndukmëduˈunëmë Jyobaa diˈib ninäˈä tkajäˈäytyëgoyët. Duˈun extëm tuˈugë uˈunkteety jyamyejtsypy tijatyë yˈuˈunk të tyukmëdunyëty, nanduˈunë Jyobaa jyamyejtsypy tijaty ndukmëduˈunëm ets wiˈix ntsojkëm (Mat. 6:20; Eb. 6:10). Wiˈixëm nyaˈijx nyajpatëm ets wiˈixëm ja wijyˈäjt kejyˈäjtën nmëdäjtëm. Per pën nmëduˈunëmë Jyobaa nuˈun ja madakënë jyaˈty, ta agujk jotkujk nyajpäädäˈänëm (Gal. 6:4; Kol. 3:23). Nuˈun kujkë tiempë nyaxy, milˈamë nmëguˈukˈäjtëm të tyundë Betel. ¿Mbäät nanduˈun mnayˈawanëty parë jam mdunët? Ets pën kyaj, ¿mbäät pën xypyudëkë parë jam tyunët, o xypyudëkët tuˈugë mjiiky mëguˈuk parë tyuunˈadëˈëtsët Betel?

KO NETY TË YAˈIJXTÄˈÄYË BIDEO ¿TIJATY TSOJKËP PARË MDUNËT BETEL?, TA NET XYAJTËWËT:

• ¿Tidaa ko ndunäˈänëm Betel?

• ¿Wiˈix näägë nmëguˈukˈäjtëm të yajkunuˈkxtë diˈib të tyundë Betel?

• ¿Tijaty yaˈˈamdoop parë nduˈunëm Betel?

• ¿Ti mbäät xytyuny parë mnëjkxët Betel?