Jyobaa yëˈë tsyojkypyë jäˈäy diˈib wäˈäts nayaˈijtëp

Mayë tääk teety tsyojktëp etsë yˈuˈunk yˈënäˈk nyayaˈitëdët wäˈäts, pääty tˈanëëmëdë kyëbujtët, dyajwäˈätstëdë jyëën tyëjk, pyadëˈëk jyäˈxëˈëktët ets tˈëxkoˈodëdë postäˈäk. Perë Jyobaa, diˈib nDiosˈäjtëm, yëˈë diˈib jawyiin xyˈanmäˈäyëm ets nnayaˈijtëm wäˈäts mët ko yëˈë wyäˈätsëty (Éx. 30:18-20; Deut. 23:14; 2 Kor. 7:1). Ko ntsiˈiw nxëjtsëm ets nyaˈijtëm wäˈäts tijaty nmëdäjtëm, ta Dios nyajmëjpëtsëˈëmëm (1 Peed. 1:14-16). ¿Wiˈix nyaˈijtëm ja jëën tëjk ets ja jënwiin tëjkwiin? Näägë jäˈäy nyaskäˈtsëdëbë postäˈäk nëˈääy tuˈääy ets mäjatyë parke, per ëtsäjtëm extëmë Dios mëduumbë nduˈunëmë mëjääw parë wäˈäts nyaˈijtëmë Naxwinyëdë (Sal. 115:16; Diˈibʉ Jat. 11:18). Axtë mä diˈib yiˈinëm waanë mbäät nyajnigëxëˈkëm wiˈix nˈijxëm ja wäˈätsˈäjtën, extëm mä nbëjtakëmë dulsë ak, refreskë tëjk o ja tsyiklë diˈib të nwimbuˈuyëm. Xëmë ndunäˈänëm “tëgekyë oytyim tiity extëmë Diosë myëduumbë” (2 Kor. 6:3, 4).

KO NETY TË YAˈIJXTÄˈÄYË BIDEO DIOS YËˈË TSYOJKYPYË JÄˈÄY DIˈIB WÄˈÄTS NAYAˈIJTËP, TA NET YAˈˈATSOOWËMBITËDË TYÄˈÄDË YAJTËˈËWËN:

• ¿Wiˈix näägë jäˈäy nyaynyikäjpxtuˈudëdë ko kyaˈittë wäˈäts?

• ¿Wiˈix xypyudëjkëm ja Ley diˈibë Moisés yajmooy parë nnijäˈäwëm wiˈixë Jyobaa tˈixyë wäˈätsˈäjtën?

• ¿Wiˈix mbäädë Jyobaa nyajmëjpëtsëˈëmëm oy ni tukˈääw ngakäjpxëm?