TIJATY YAJPATP MÄ BIIBLYË TSOBATP MËJWIIN KAJAA | ÉXODO 23, 24
Kyaj nbanëjkxëm ja mayjyaˈay
23:1-3
Mä ja Ley ojtsë Jyobaa tˈanëëmë ja fesëty ets pënaty testiigëˈäjttëp parë kyaj tpanëjkxtët ja mayjyaˈay. Ja fesëty, tsojkëbë nety niˈamukë jäˈäy ttuunëdët ja tyëyˈäjtën, ets ja testiigëty nan tsojkëbë nety tnimaytyäˈäktët ja myëguˈuktëjk tëyˈäjtën myëët. Tyäˈädë käjpxwijën mä jyënaˈany ets kyaj alokë yajpanëjkxëdë mayjyaˈay, nan mbäät tyam xypyudëjkëm, pesë jäˈäy xëmë xyyajwinmayäˈänëm ets xytyuktunäˈänëm tijaty extëm yëˈëjëty (Rom. 12:2).
¿Tiko kyaj yˈoyëty nbanëjkxëmë mayjyaˈay ko...
... nmëdoˈowëmë ääw ayuk jyëdity o piˈtsˈëy piˈtskajpxy?
... nwinˈijxëm ja wit xox, wiˈix nnayˈoytyunäˈänëm o ja ixy jyawë diˈib nˈixäˈänëm?
... nwinmäˈäyëmë jäˈäy diˈib tsoˈondëp wiink lugäär, diˈib tëgatsy ja kyostumbrë o diˈib kyaj ja meeny sentääbë tmëdaty, ets ti nduˈunëm ko mëët nyajpatëm?