¿Mbäät xyyajtunyë mxëëw mdiempë etsë mjot mëjääw?

Ja kugajpxy Isaías ojts tnaskäjpxë ko mä Diosë kyäjpn nëgooyë mayjyaˈay tyëkëyanëdë extëm ninäˈänëm duˈun kyatuny kyajatyëty (Is. 54:2). Ets päätyën tsyokyëty yˈakˈyajkojëdë Tëjk mä nˈËxpëjkëm, Tëjk mä tyunyëtyë Asamblee ets yajkojëdë jëën tëjk Betel. Ko yajkojtäˈäyë tyäˈädë jëën tëjk, yaˈijxˈitäämp yajkuentˈatäämbë net. Ets ko tiempë nyaxy, tamë net diˈib ajamëyäämp. Per ¿wiˈixë net mbäädë Jyobaa nmoˈoyëm ja xëëw tiempë ets ja jot mëjääw?

• Ko nyajwatsëm ja Tëjk mä nˈËxpëjkëm mët ja nmëguˈukˈäjtëm diˈib mëët xypyatëm.

• Ko nˈaxäjëm tuˈugë kursë mä wiˈix yajkuentˈatäˈäny ja Tëjk mä nˈËxpëjkëm.

• Ko nyajtuktujkëm tuˈugë Solicitud de voluntario local de diseño y construcción (DC-50) parë nyäjkëmë naybyudëkë mä yajkojˈyë jëën tëjk ets mä yˈaˈoyë, diˈib wëˈëm naa jamyë mä ntsënäˈäyëm.

• Ko nyajtuktujkëm tuˈugë Solicitud para el programa de voluntarios (A-19) parë nduˈunëm tuk sëmään o mas niˈigyë Betel o muum wiinktsoo mä tyuˈuyoˈoyë Diosë tyuunk diˈib nyikëjxmˈäjtypyë Betel.

KO NETY TË YAˈIJXTÄˈÄYË BIDEO YAJNIWÄˈÄGË TUUNK MÄ YAJKOJˈYË JËËN TËJK (JEˈEYË TUK PËKY YAˈIXËT), TA YAˈˈATSOOWËMBITËDË TYÄˈÄDË YAJTËˈËWËN:

• ¿Wiˈix mas niˈigyë nyajtuˈunënë bideo desde 2014?

• ¿Ti tuunk yajniwäˈägëyäämp parë mas niˈigyë bideo pyëtsëmët diˈib nyajtëgoyˈäjtëm, ets näˈä jyëjpkëxäˈäny?

• ¿Wiˈix mbäädë nmëguˈukˈäjtëm dyaktë naybyudëkë mä tyäˈädë tuunk yˈitäˈäny?

• Pën ja nmëguˈukˈäjtëm diˈib tsënääytyëp Estados Unidos nëjkxandëp tuumbë Rámapo, ¿tiko mbäät dyajtuktuktë solisitud DC-50 ets tyundët japyë mëdë LDC?

• ¿Ti xytyukˈijxëm ko Jyobaa yëˈë yajtuˈuyoˈoybyë tyäˈädë tuunk?

• ¿Wiˈix mbäät nyäjkëmë naybyudëkë pën kyaj mbäät nëjkxëm mä tyäˈädë jëën tëjk yajkojäˈäny?