WIˈIX JYUKYˈATYË DIOS MËDUUMBË
Mä asamblee tëgëk xëëbë mbäät nyajnigëxëˈkëm ja tsojkën
¿Tiko njantsy tyukxondakëm ko tpäätyë asamblee tëgëk xëëbë? Yëˈko duˈun mbäät nmëjkumäˈäyëmë Jyobaa mët milˈamë nmëguˈukˈäjtëm extëm ijty xyëwˈattë ja israelitëty. Nan mbäät nyajpatëm mët ja familyë, mëtnaymyaayëbë, ets nˈaxäjëmë mëjwiin kajaa ja käˈäy ukën diˈibë Dios yajkypy. Mëjwiin kajaa nyajtsobatëm, pääty nituk xëëw ngatëgoyˈatäˈänëm.
Ko nëjkxëm asamblee kyaj mbäät yëˈëyë nwinmäˈäyëm ti nˈaxäjëyäˈänëm, nanduˈunën wiˈix mbäät nyajnigëxëˈkëm ja tsojkën (Gal. 6:10; Eb. 10:24, 25). Yëˈë nety nyajnigëxëˈkëmë tsojkën extëm ko yëˈëyë niwäˈänëm ja lugäär mä nboˈkxäˈänëm ets ko nmäjtsˈijtëmë tëjkˈääw parë nyaxët tuˈugë nmëguˈukˈäjtëm (Filip. 2:3, 4). Mä asamblee nan mbäät jam pën mëët naywyinˈixypyëjkëm. ¿Tiko ngamëtmaytyakëm tuˈugë nmëguˈukˈäjtëm diˈib kyaj nˈixyˈäjtëm? Mbäät mä kyatsondaˈakynyëm, mä nˈagujkyxyëwˈäjtëm o mä jyëjpkuwäätsë (2 Kor. 6:13). Duˈumbë naymyaayë mbäät jyeky winë xëëw. Ko duˈunë jäˈäy tˈixtët ja tsojkën, mbäädë net tpëjtäˈäktë wyinmäˈäny ets tmëdundëdë Jyobaa (Fwank 13:35).
KO NETY TË YAˈIJXTÄˈÄYË BIDEO ASAMBLEE INTERNASIONAL “YËˈË TSOJKËN NINÄˈÄ KYAKUGËXËT”, TA YAˈˈATSOOWËMBITËDË TYÄˈÄDË YAJTËˈËWËN:
¿Wiˈixë nmëguˈukˈäjtëm dyaˈijxëdë tsojkën ko ojts tˈagëˈë tˈaxäjëdë pënaty jäjttë mä asamblee internasional 2019?
¿Tiko nëgoo jäˈäy tˈokˈoyˈijxnëdë ko mä Diosë kyäjpn tuˈugyë nˈijtëm ets nnaytsyojkëm?
¿Wiˈix ojts tnimaytyäˈäktë ja tsojkën Diˈib wyoowˈyoˈoytyëbë Jyobaa tyestiigëty?
¿Ti mbäät xytyuny parë xyajnigëxëˈëgëdë tsojkën mä tyunyëtyë asamblee?
¿Wiˈix wyäˈkpëtsëëmy ja tsojkën jap Alemania ets Corea del Sur?
¿Ti net tyam ndunäˈänëm?