NˈOKˈYAˈËXPËJKËM OYË JÄˈÄY | NˈOKTUKXONDAKËM MÄ NˈËWÄˈKX NGÄJPXWÄˈKXËM
Ko ndukˈijt ndukxoˈonëm mä jäˈäy nyaˈëxpëjkëm
Ko ndukˈijt ndukxoˈonëm ja Diosë yˈayuk, mbäädë jäˈäy niˈigyë tmëdoowˈity. Ko duˈun nduˈunëm, ta nyajnigëxëˈkëm ko nyajtsobatëm ja ääw ayuk diˈib ndukninëjkxëm. Niˈamukë mbäät ndukˈijt ndukxoˈonëm mä jäˈäy nyaˈëxpëjkëm, oy mää ntsoˈonëm ets oy wiˈix ja kostumbrë nmëdäjtëm (Rom. 12:11). ¿Ti mbäät xypyudëjkëm?
Myëduˈuk, winmay ko jëjpˈam diˈib mdukninëjkxypy ja jäˈäy, pes yëˈë mnimaytyakypy “ja oybyë ayuk” (Rom. 10:15). Myëmajtsk, winmay wiˈix pyudëkëyaˈanyëty pënaty myëdoowˈijtypy. Pes tsojkëbë jäˈäy ndukmëtmaytyakëm ja oybyë ayuk (Rom. 10:13, 14). Ets myëdëgëëk, tukmëtmaytyäˈäk winë ääw winë jot, yajnigëxëˈëk mä wiˈixë mwiin mjëjp xytyuny.
KO NETY TË YAˈIJXTÄˈÄYË BIDEO AGUJK JOTKUJK NNAYJYÄˈÄWËM KO JÄˈÄY TYËKË ËXPËJKPË. JAT WIˈIX OY XYTYUNËDË DIOSË TYUUNK: KO NDUKˈIJT NDUKXOˈONËM MÄ JÄˈÄY NYAˈËXPËJKËM, TA YAˈˈATSOOWËMBITËDË TYÄˈÄDË YAJTËˈËWËN:
¿Tiko netyë Rita kyaj tˈoktukxondaknë ko dyaˈëxpëkyë Coral?
¿Ti pudëjkë Rita parë jatëgok ttukxondaky?
Ko ndukxondakëmë Diosë tyuunk, mbäät ndukninäjxëm ja nmëguˈukˈäjtëm.
¿Tiko mbäät yëˈë nˈijxëm ja oybyë jyaˈayˈäjtën pënaty nyaˈëxpëjkëm?
Ko ndukxondakëm ja Diosë tyuunk, ¿wiˈix mbäät pyudëkëty ja jäˈäy diˈib nyaˈëxpëjkëm o pënaty nmëtmaytyakëm?