NˈOKˈYAˈËXPËJKËM OYË JÄˈÄY | TUKXONDÄˈÄK NIˈIGYË MÄ MˈËWAˈKXY MGÄJPXWAˈKXY
Ko xyjaygyukët wiˈixë jäˈäy nyayjyawëty
Ko njaygyujkëm wiˈixë jäˈäy nyayjyawëty, nan yëˈë yˈandijpy ko naybyëjtakëm mä lyugäär, njaygyujkëm wiˈix wyinmaytyë ets nˈijxëm tijaty yajtëgoyˈäjttëp. Tyäˈädë jäˈäyˈäjtën, ja nyajnigëxëˈkëm ko nbudëjkëmë wiink jäˈäy. Ko njaygyujkëm wiˈixë jäˈäy nyayjyawëty mä ngäjpxwäˈkxëm, nenduˈunë nety ntsojkëmë jäˈäy extëmë Jyobaa, ets mbäät yëˈë pyudëkëdë parë net tˈixyˈatäˈändët (Filip. 2:4).
Kyaj jaayë tsyokyëty njaygyujkëm wiˈixë jäˈäy nyayjyawëty ko nyaˈëxpëjkëm, nenduˈunën ko nmëdoowˈijtëm wiˈix xyˈanmäˈäyëm ets wiˈix nmëtmaytyakëm, ets nyajnigëxëˈëgäˈänëm mä wiˈix njäˈäyˈäjtëm o wiˈix ja wiin jëjp nduˈunëm. Njaygyujkëmë nety wiˈixë jäˈäy nyayjyawëty, ko nmëmäˈäy nmëdäjëm, ko nˈijxëm tijaty myëbëjkypy, tsyojkënyëˈajtypy ets wiˈix yaˈixy yajpääty. Nenduˈun ko nbudëjkëm, nmoˈoyëmë ëwij käjpxwijën, per kyaj mëktaˈaky nˈanmäˈäyëm parë nyayajtëgatsëdët. Ko tnasˈixëdë parë nbudëjkëm, ta niˈigyë ndukxondakëmë Diosë tyuunk.
KO NETY TË YAˈIJXTÄˈÄYË BIDEO AGUJK JOTKUJK NNAYJYÄˈÄWËM KO JÄˈÄY TYËKË ËXPËJKPË. JAT WIˈIX OY XYTYUNËDË DIOSË TYUUNK: KO NJAYGYUJKËM WIˈIX JA JÄˈÄY NYAYJYAWËTY, TA YAˈˈATSOOWËMBITËDË TYÄˈÄDË YAJTËˈËWËN:
¿Wiˈixë Rita dyajnigëxëˈky ko jyaygyujkëbë netyë Coral ko ok jyajty?
¿Wiˈixë Rita dyajnigëxëˈky ko jyaygyujkëbë netyë Coral ko nëgooyë tmëdäjnë mayë tyarea?
Ko njaygyujkëm wiˈixë jäˈäy nyayjyawëty, mbäät yëˈë pyudëkëty parë tˈixyˈatäˈänëdë Jyobaa.
¿Wiˈixë Rita dyajnigëxëˈky ko jyaygyujkëbë netyë Coral ko yˈanmääyë ko kyaj ttsojkënyëˈaty kyuwits kyugëyët?