NˈOKˈYAˈËXPËJKËM OYË JÄˈÄY | NNAYJYAWËDË AGUJK JOTKUJK MÄ MGÄJPXWAˈKXY
Tukniˈˈixëdë pënaty myaˈëxpëjkypy ets nyaytyukpudëkëdët ja ëxpëjkënë diˈibë Dios yajkypy
Parë tˈixyˈatët yajxonë Jyobaa pënaty nyaˈëxpëjkëm ets tmëdundët, kyaj jeˈeyë tsyokyëty ndukniˈˈijxëm tijaty wingëjxy myaytyakypyë Biiblyë (Mat. 5:3, TNM; Eb. 5:12–6:2). Tsojkëbën ndukniˈˈijxëm parë nyaytyukpudëkëdët ja ëxpëjkën diˈibë Dios yajkypy.
Ko tim ëgäˈänyë jäˈäy xyaˈëxpëjktsondäˈägët, tukniˈˈixë wiˈix yˈëxpëkët kontiempë ets pudëkë parë duˈun ttunët (mwb18.03 paj. 6). Tukmëtmaytyäˈäk ko jëjpˈam ets jawyiin nyuˈkxtäˈägët mä kyajnëm tyëkë ëxpëjkpë. Tukniˈˈixë wiˈix dyajtunët tëgokyë ja tuumbajn parë yˈëxpëkët, ets wiˈix tˈijxtäˈäyët tijaty jembyëtsëëmp mä jw.org ets mä JW Broadcasting®. Pudëkë parë tˈijxwëˈëmët ets tkäjpxët ja Biiblyë bom bom, tˈëxpëkët kontiempë tijaty naxäämp reunyonk ets tˈëxtäˈäyët mäjaty yaˈˈatsoowëmbity. Nan pudëkë parë tpawinmayët tijaty yˈëxpëjkypy.
KO NETY TË YAˈIJXTÄˈÄYË BIDEO NˈOKPUDËJKËM PËNATY NYAˈËXPËJKËM PARË TˈAXÄJËT JA ËXPËJKËNË DIˈIBË DIOS YAJKYPY, TA YAˈˈATSOOWËMBITËDË TYÄˈÄDË YAJTËˈËWËN:
¿Wiˈixë Rita tpudëjkë Coral parë ttukjaygyujkë tidën yˈandijpy yˈëxpëkët ets kyaj jeˈeyë tpäädët mäjaty yaˈˈatsoowëmbity?
¿Ti pudëjkë Coral parë tjaygyujkë tidën ko Jyobaa dyajkuboky ko jäˈäy yˈit tsyëënëdë mä kyajnëm pyëktë?
Tukniˈˈixëdë pënaty myaˈëxpëjktëp parë tjaygyukëdët ets tkuytyunët tijaty jyajtypy.
¿Wiˈixë Coral tjaygyujkë mä tidën yˈandijpy tpawinmayët?