Nˈokpudëjkëm pënaty nyaˈëxpëjkëm parë tjëjpkudijët ja axëëkpë naymyayë

Pënaty yˈëxpëjktëbë Biiblyë, tsojkëp yajxon twinˈixtëdë myëtnaymyaayëbë pën naymyayanëdëp mëdë Jyobaa (Sal. 15:1, 4). Pes ja myëtnaymyaayëbëty yëˈë pudëkëyanëdëp parë ttundët diˈib oy (Prov. 13:20; lff leksion 48).

Mbäät tsyiptakxëty ja diˈib myaˈëxpëjkypy parë tmastuˈuttët ja axëëkpë myëtnaymyaayëbë, pääty oy ko xymyëmay xymyëdäjët parë mëët myajpäättët, kyaj jyaayëty mä mëët mˈëxpëktë. Mbäät xytyuknigexyë mensaje, xymyëgajpxy mä telefënë o nëjkx xykyuˈijxëgyojy. Ets ko xyˈixët ko tam kujk dyajtëgatsyë jyukyˈäjtën, ta xywyowët parë mëdë nmëguˈukˈäjtëm yajpäättët. Duˈun tpëkäˈänyë kuentë ko niˈigyë tpäädäˈänyë jyiiky myëguˈuk (Mar. 10:29, 30). Ets mijts jantsy agujk jotkujk mnayjyawëyaˈanyëty ko nety xyˈixy wiˈix nyimayë Dios mëduumbë.

KO NETY TË YAˈIJXTÄˈÄYË BIDEO NˈOKPUDËJKËM PËNATY NYAˈËXPËJKËM PARË TJËJPKUDIJËT JA AXËËKPË NAYMYAYË, TA YAˈˈATSOOWËMBITËDË TYÄˈÄDË YAJTËˈËWËN:

• ¿Tidën yˈandijpy axëëkpë naymyayë? (1 Kor. 15:33).

• ¿Wiˈixë Coral tpawinmääy xyondäˈäktë Testiigëty?

• ¿Wiˈixë Rita tpudëjkë Coral parë tpäädëdë wiinkpë myëtnaymyaayëbë?