Tun prekursoor

Ko niˈigyë winmäˈäny nbëjktakëm parë Dios nmëduˈunëm, duˈunë nety nyajtuˈunëm yajxon ja xëëw tiempë ets ja jot mëjääw mä kyaminyëm ja kutëgoˈoyën (1 Kor. 9:26; Efes. 5:15, 16, TNM). Ko mDiosˈawdattët tuk familyë, ¿tiko xykyanimaytyäˈäktë wixaty mbäät niˈigyë xyˈakmëdundë Dios mä yäˈädë jëmëjt kyëdaˈaky? Mä Wiˈix njukyˈäjtëm ets nDiosmëduˈunëm mä yäˈädë poˈo, kanäk pëky jap tnimaytyaˈaky wiˈix mbäät niˈigyë ja winmäˈäny nˈakpëjktakëm parë Jyobaa nmëduˈunëm ko nety të nmënuˈkxtakëm (Sant. 1:5).

Extëm nˈokpëjktakëm, ¿mbäädëdaa nnaybyudëjkëm parë naa niduˈugën mä familyë tyunët prekursoor regulaar? Ets pën mtsëˈkëp ko xykyayajkäˈpxët ja mˈoorë, mbäät näägë prekursoor xyajtëy ti tyuundëp parë dyajkäˈpxtë mëdiˈibë duˈun yaˈijx yajpattëp extëm mijts (Prov. 15:22). Mä mDiosˈawdattë tuk familyë, mbäät nanduˈun xyajtëy tuˈugë prekursoor wiˈix ttuny ets ta net xykyujayët näˈäjaty mbäät mgäjpxwaˈkxy. Ets pën të mˈoktuumbë prekursoor, ¿tiko jatëgok mgatuundëkë? Waˈan tyam të tyëgatsy ja mjukyˈäjtën ets mbäät duˈun mduny.

¿Mbäät niduˈuk mä mfamilyë pën tyuny prekursoor ausilyaar naa tuk poˈo naa majtsk poˈo? Pën kyaj nëgoo mjot mmëjääw, mbäät naa wanaty mˈëwaˈkxy mgäjpxwaˈkxy bom bom. Ets pën kyaj nëgoo tiempë xymyëdaty parë mbëtsëmët sëmäänoty mët ko mduny o mˈeskuelëˈaty, mbäät ja mduny prekursoor ausilyaar ko jäˈäy pyoˈkxtët, ko ti tmëjtundët o ko mä tuˈukpë poˈo tmëminy mëgoxkë sääbëdë o domingë. Kujayë mä kalendaaryë näˈäjaty mdunäˈäny prekursoor ausilyaar ets tii ooraty mbëtsëmäˈäny (Prov. 21:5).

KO NETY TË YAˈIJXTÄˈÄYË BIDEO ITTË AMËK JOTMËK, PREKURSOORËTY, TA YAˈˈATSOOWËMBITËDË YÄˈÄDË YAJTËˈËWËN:

• ¿Wiˈixë Jyobaa tkuentëˈäjtyë Aamand? ¿Ti xytyukniˈˈijxëm?