Ko jäˈäy pyeky yëˈë parë yˈamajtskˈattët nuˈun ja xyëëw jyukyˈäjtën

Ko kasäädë jäˈäy tmëjpëjktäˈäktë Jyobaa, jajktëp ja tsyënäˈäy jyukyˈäjtën ets agujk jotkujk yajpäättë (Mar. 10:9). Pën tuˈugë Diosmëduumbë tsyojkypy parë jyakëdë tsyënäˈäy jyukyˈäjtën ets jyukyˈatët agujk jotkujk, tsojkëp tjaygyukët wiˈixë Biiblyë dyakyë ëwij käjpxwijën ko nety twinˈixy pën pyëkaampy.

Ënäˈktëjk jaanëm mbäät ja nyoobyë tˈëxtäˈäytyë ko nety ja “jyëmëjt të tpatnë”, yëˈë ko mä tkapäätynyëmë xyëëw jyëmëjt mëk ja tsojkën tjawëdë ets mbäät alokë tijaty ttundë (1 Cor. 7:36, TY). Pääty mientrës mnaytyuˈukˈaty, yajtun niˈigyë mdiempë parë xymyëwingonëdë Jyobaa ets yajmëjwindëkë ja oybyë mjäˈäyˈäjtën. Ko duˈun xytyunët, nëjkxëp yˈoyë ja mtsënäˈäy mjukyˈäjtën ko nety mbëjknë.

Oy ko jawyiin yajxon xyˈixyˈatët ja mëdiˈibë mbëkaampy parë xyˈixët pën myëdäjtypy ja “oyjyot oywyinmäˈäny” (1 Peed. 3:4). Pën kyaj mˈity seguurë, tukmëtmaytyäˈäk ja mëdiˈibë mbëkaampy wiˈix mnayjyawëty. Ko jäˈäy pyëjknë, tsojkëp niˈigyë tˈëxtäˈäyët mëdiˈibë tyukˈoyˈatëp ja jyamyëët ets kyaj mëdiˈibë këˈëm tyukˈoyˈatëp (Filip. 2:3, 4). Pën tyam mä mnaytyuˈukˈaty mëmëdoobyë Diosë yˈëwij kyäjpxwijën, kyaj nëjkx mtsiptakxëty xykyuytyunët ko nety mbëjknë ets agujk jotkujk nëjkx mjukyˈaty.

KO NETY TË YAˈIJXTÄˈÄYË BIDEO WIˈIX MBÄÄT MNAYJYËJPˈIXYËTY MÄ MGAPËKYNYËM. MYËDËGËK PËKY: “IX PËN OYBYËTSËMÄÄMP”, TA YAˈˈATSOOWËMBITËDË YÄˈÄDË YAJTËˈËWËN:

• ¿Wiˈixë nety kujk nyayˈixyˈatëdë ja kiixy mëdë Shane?

• ¿Ti yˈijxë yäˈädë kiixy ko niˈigyë tˈixyˈajtyë Shane?

• ¿Wiˈixë tyääk tyeety pyudëjkëdë, ets ti net tyuun?