TIJATY YAJPATP MÄ BIIBLYË TSOBATP MËJWIIN KAJAA

Mä ja templë yajxon yajtukniwijtsë wiˈix mbäät yaˈˈawdatyë Dios

Ja rey David tyuknipëjk tijatyë nety mbäät ttundë ja saserdotëty ets ja lebitëty mä ja templë (1 Crón. 23:6, 27, 28; 24:1, 3; it-2-S paj. 214 parr. 1; paj. 893 parr. 1).

Ojts yajwinˈixtë pënaty jyäjttëp xyuˈux kyowdët ets pënaty apenënëm jyäjttëp parë tyundët mä ja templë (1 Crón. 25:1, 8; it-2-S paj. 443 parr. 1).

Wiinkpë lebitëty yajwinˈijxtë parë tkuentëˈattët ja tëjkˈääw, tyundët tesoreerë ets tiiyëm tyuundë (1 Crón. 26:16-20; it-2-S paj. 684 parr. 1).

Mä salonk mä kyajnëm tsyondaˈagyë reunyonk. 1. Ja nmëguˈukˈäjtëm nyayˈëboˈkx nyaygyäjpxpoˈkxëdë ets kyäjpx myaytyäˈäktë. 2. Tuˈugë nmëguˈukˈäjtëm ttukˈixyë myëguˈuk ja tableerë mä ja tijaty nyajtuknijäˈäwëm. 3. Tuˈugë nmëguˈukˈäjtëm tˈagonë meeny mä ja käjë. 4. Tuˈugë nmëguˈukˈäjtëm mëdiˈibë yajkypyë ëxpëjkpajn tmoˈoy ja myëguˈuk. 5. Mä plataformë tuˈugë nmëguˈukˈäjtëm yajxon tpëjktaˈaky ja mikrofënë. 6. Tuˈugë nmëguˈukˈäjtëm mëdë myäänguˈunk tpatmuky ja puˈxm.

Jyobaa ak tukniwits ak tuknimäˈkxë tijaty ttuny, pääty tsojkëp nanduˈun tijaty nduˈunëm (1 Cor. 14:33, TNM).

PARË NBAWINMÄˈÄYËM: ¿Tiko mbäät njënäˈänëm ko mä tyam nDiosmëduˈunëm nanduˈun tijaty nduˈunëm tukniwits tuknimäˈkxë?