WIˈIX JYUKYˈATYË DIOS MËDUUMBË
Nˈokˈyaˈijxëm ja tsojkën extëmë Jyobaa
Jyobaa xymyoˈoyëmë oybyë ijxpajtën, pes yajnigëxëˈkypy ja tsyojkën mëdiˈibë ninäˈä kyakugëxë (Sal. 103:11). Yäˈädë tsojkën kyaj yëˈëjëty mëdiˈibë jeˈeyë tuk ratë yajjäˈäwëp o mëdiˈibë pojën näjxp, ijtëëbën duˈun. Jyobaa kanäk nax ttukˈijxy ja israelitëty yäˈädë tsojkën. Extëm ko dyaˈˈawäˈätspëtsëëmy Egipto ets ojts dyajnëjkxy mä ja Nax mëdiˈibë Yajtukwandaktë (Sal. 105:42-44). Ko tnitsiptuuny ets ko kanäkˈok ojts tpokymyeˈkxy (Sal. 107:19, 20). Ko nbawinmäˈäyëm “yajxon tijatyë Jyobaa të ttuny mët ko xytsyojkëm mëjwiin kajaa”, ta nanduˈun njäˈäyˈatäˈänëm (Sal. 107:43).
KO NETY TË YAˈIJXTÄˈÄYË BIDEO OY KO NˈIJXËM WIXATYË JYOBAA TË DYAJNIGËXËˈËGYË TSYOJKËN DIˈIB NINÄˈÄ KYAKUGËXË, TA YAˈˈATSOOWËMBITËDË YÄˈÄDË YAJTËˈËWËN:
¿Wixaty mbäät nyajnigëxëˈkëm ja tsojkën mëdiˈibë ninäˈä kyakugëxë?
¿Tiko jyëjpˈamëty ets näˈäty nyajnigëxëˈkëm yäˈädë tsojkën oy xytsyiptakxëm?