WIˈIX JYUKYˈATYË DIOS MËDUUMBË

Pudëkë jäˈäy mëdiˈibë kyaj ttukˈitë relijyonk parë tˈixyˈatëdë Dios

¿Të näˈä mˈokwinmaabyë ko kyaj xymyëtmaytyäˈägäˈäny tuˈugë jäˈäy mëdiˈibë kyaj ttukˈitë relijyonk mët ko tkaˈoymyëdowët? Pën tëë, jamyats ko mëdiˈibë tyam nimay Testiigë kyaj nety ttukˈitëdë tuˈugë relijyonk o axtë kyaj tmëbëktë Dios. Ets jeˈeyë nety ttsoktë waanë naybyudëkë parë yajtukˈixtët ko tamë Dios (Rom. 1:20; 10:14).

KO NETY TË YAˈIJXTÄˈÄYË BIDEO JAMYATS KO PËNATY KYAJ TMËDATTË MËBËJKËN MBÄÄT OK MYËBËKTË: EXTËM JA JÄˈÄYËTY DIˈIB KYAJ TTUKˈITËDË RELIJYONK, TA YAˈˈATSOOWËMBITËT MËDIˈIBË YÄÄ YAJTËËPY:

¿Wiˈix mbudëkëtyë yˈeksperiensyë Tommaso parë xymyëtmaytyäˈägëdë jäˈäy mëdiˈibë kyaj ttukˈitë relijyonk?

Wiˈix mˈatsoowembitäˈäny

¿Wiˈix mbäät xypyudëkë duˈumbë jäˈäy?

Pën mbatypy tuˈugë jäˈäy mëdiˈibë kyaj tmëbëkyë Dios, it ajëëky amëguˈuk, ëxtäˈäyë winmäˈäny wiˈix mbäät xymyëtmaytyaˈaky, mëdoowˈit wiˈix wyinmay ets tijaty myëmääy myëdajpy (2 Tim. 2:24). Nimaytyäˈäk mët ja jäˈäy ti yˈoymyëdoopy. ¿Nyijawëyaampy tiko mayë jäˈäy të tmëbëktë ko tamë Dios? Pën duˈun, yajtunë ëxpëjkpajn etsë bideo mëdiˈibë të pyëtsëmy parë duˈumbë jäˈäy yajpudëkëdët. Yäˈädë majtskpë foyetë ¿Es la vida obra de un Creador? etsë El origen de la vida. Cinco cuestiones dignas de análisis të yajpëjktaˈaky mä tuumbajn parë jäˈäy nyaˈëxpëjkëm parë pojën yajpäädët.

Waˈan mtsëˈëgë xytyukmëtmaytyäˈägëdë tëyˈäjtën tuˈugë jäˈäy mëdiˈibë kyaj tmëbëkyë Dios. Pën duˈun, ¿tiko xykyaˈˈamdoyë naybyudëkë tuˈugë nmëguˈukˈäjtëm mëdiˈibë jeky kujk Diosmëduunë? Ets këdii xyjyaˈaytyëgoy ko Jyobaa mbäät mbudëkëty parë xyˈajäˈt xyjyotjäˈtëdë jäˈäy mëdiˈibë oyë jyot kyorasoon, axtë mëdiˈibë kyaj myëbëkëdë (Hech. 13:48, TNM).