Ix wiˈix mbäät nˈëxpëjkëm

Ak niˈëxpëkë niˈigyë wiˈixë Jyobaa jyaˈayˈaty

Ko nˈëxpëjkëmë Biiblyë, tsojkëp niˈigyë nbayeˈeyëm parë njaygyujkëm ti ngäjpxëm. Per kyaj net jeˈeyë nˈëxpëjkëm parë tijaty njantsy nyijawëyäˈänëm, tsojkëbën nˈëxpëjkëm parë niˈigyë nˈixyˈäjtëm wiˈixë Jyobaa jyaˈayˈaty. Ko duˈun nduˈunëm, ta niˈigyë ntsokäˈänëmë Jyobaa. Pääty ko nety nˈëxpëjkëm, nˈoknayajtëˈëwëm: “¿Titsë yäˈädë tekstë xytyukniˈˈijxëp mä wiˈixë Jyobaa jyaˈayˈaty?”.

Extëm nˈokpëjktakëm, ko mˈëxpëkët mbäät xyˈixy wiˈixë Jyobaa dyajnigëxëˈëgyë tsojkën, wijyˈäjtën, tëyˈäjtën etsë mëkˈäjtën. Per kanäk pëky yˈakˈyajnimaytyaˈagyë Jyobaa jyaˈayˈäjtën. ¿Mä mbäät niˈigyë xynyijawë?

Mä Índice de las publicaciones Watch Tower, jap mbäät xypyaaty mä yajnimaytyaˈaky 50 naxyë Jyobaa jyaˈayˈäjtën. Tëkë mä jyënaˈany, “Jehová” ets ta net “Cualidades por nombre”. Mä mˈëxpëky, ix mëdiˈibënë Jyobaa jyaˈayˈäjtën jam yajmaytyakp ets ta net xykyäjpxët (pën yëˈëyë mmëdäjtypyë foyetë Naybyudëkë parë tijaty tpayoˈoytyëdë Jyobaa tyestiigëty, tëkë mä jyënaˈany “Jyobaa Dios” ets ta net “Jyobaa jyaˈayˈäjtën”).