Ix wiˈix mbäät nˈëxpëjkëm

Wiˈix mbäät nnijäˈäwëm tijaty yajkäjpxˈoˈoyëp mä Biiblyë

Jantsy oy ko tyam njukyˈäjtëm mä yäˈädë tiempë mä Jyobaa xypyudëjkëm parë yajxon njaygyujkëm wiˈixën jyënaˈanyë Biiblyë (Dan. 12:4). Per mbäät xytsyiptakxëm nnijäˈäwëm wiˈixën näämnëm tijaty të yajkäjpxˈoyë, ¿mä mbäät nbatëm?

• Yëˈë foyetë Naybyudëkë parë tijaty tpayoˈoytyëdë Jyobaa tyestiigëty, myëmiimpy jap kanäk pëky wiˈix tijaty të yajkäjpxˈoyë. Parë xypyäädët, tëkë mä jyënaˈany “Jyobaa tyestiigëty”, ta net “Wiˈix tijaty nˈijxëm ets tijaty nmëbëjkëm” ets mä jyënaˈany “Yajkäjpxˈoyë tijaty nmëbëjkëm”.

• Mä Índice de las publicaciones Watch Tower mä jyënaˈany “Aclaración de creencias” maˈkxy jap myiny wiˈix tijaty të yajkäjpxˈoyë jëmëjt jëmëjt. Parë duˈun xyˈixët, kujayë mëdë comillas mä yaˈëxtäˈäy, “aclaración de creencias” mä Watchtower Library o mä BIBLIOTECA EN LÍNEA Watchtower^™.

¿Tiko xykyatuknibëjktäägë parë xyˈëxpëkët tuk pëky mëdiˈibë näämnëm të yajkäjpxˈoyë ko naytyuˈuk mˈëxpëkët? Payeˈey wiˈix tyam yajjaygyukë ets tiko duˈun të tyëgatsy.