Nˈoknaytyukpudëjkëm ja dibujë mëdiˈibë miimp mä ëxpëjkpajn

Mä ëxpëjkpajn mëdiˈibë Diosë kyäjpn yajpëtsëëmpy, miimp jantsy mayë dibujë, ets yëˈë xypyudëjkëm parë xykyuwëˈëmëm tijaty nˈëxpëjkëm. ¿Wiˈix mbäät niˈigyë naytyukpudëjkëm?

• Mä kyajnëm ngäjpxëm tuˈugë artikulo, oy ko jawyiin nˈijxëm tijaty dibujë myëmiimpy. Pes duˈun ixtëm ko nˈijxëm tuktexyë tojkx yajkoompy ja anëë, nanduˈunën ko jawyiin nˈijxëm ja dibujë, mbäät ja ääw jot jyënaˈany ets niˈigyë ngäjpxäˈänëm. Pääty ko ngäjpxäˈänëm tuˈugë artikulo nˈoknayajtëˈëwëm: “¿Tijatyëts nˈijxypy?” (Amós 7:​7, 8).

• Mä jam xykyajpxy ja artikulo, winmay tiko jam myiny ja dibujë. Ets käjpx ja letrë mëdiˈibë miimp dibujë pëˈääy. Winmay nanduˈun wiˈix nyaymyënëjkxyëty mët ja parrafo ets tii mdukniˈˈijxëp.

• Ko xykyäjpxtäˈäyët tuˈugë artikulo, ijxtäˈäy jatëgok ja dibujë ets jamyats tijaty jëjpˈam të yajnimaytyaˈaky. Ok ta net mwimbiˈitsët ets xyjyamyatsët tijaty dibujë të myiny ets tijaty të mdukniˈˈixëty.

• Tun duˈun mëdë yäˈädë rebistë, ijxtäˈäy jatëgokë dibujë ets okjamyats tijaty të yajnimaytyaˈaky.