Notë

e Deuteronomio 30:19, 20, MNM: “E tyam yëˈëjëts yam yëˈë tsäjp ets yëˈë naxwiinyëdë mbëjktakypy, duˈun ta jeexyë yëˈë yˈijxpë nijäˈäbëˈattën, ets ta jeexyë yˈixtën myëdowdën mä miitsëtyën, ko miits yam ndukwinˈixtë, mëdiˈibë juukyˈäjtën mtsojkënˈäjtëp, penë yëˈë mwinˈijxtëp mä jeky mjuukyˈattëtyën, ëgë pen yëˈë ja oˈkën tëgoˈoyën. Penë yëˈë ja neygyunuˈkxën, ëgë penë yëˈë ja neybyojkën. Ëjts duˈunëts yam këˈëm nˈënäˈäny, ko yëˈë mwinˈijxtëp ja juukyˈäjtën, mä jeky mjuukyˈattëtyën mëët ja mˈuˈunk mˈokëty. Tsoktë jawëdë yëˈë mWintsën, mëmëdowdë, ets tuˈugyë yëˈë xypyanëjkxtëkëdëty. Jaˈa ko ënet duˈun mjuukyˈattëty, ets jeky jam mtsëënëdëty mä ja it naxwiinyëdën, mëdiˈibë ojts tukwinwanën mëët ja ääw ëyuk ja kutujkën mëëtpë ja Abraham, Isaac ets Jacob mëdiˈibë miits mˈapˈäjt mˈokˈäjtëbën”.