Martës 5 äämbë agostë
Mëdiˈibë jeˈeyë yˈijxypyën mätsoow pyojˈyën käˈäp nyiˈipy tyuny(Ecl. 11:4, TY).
Tuˈugë jäˈäy mëdiˈibë nayjyëjpkuwijtsëp, yëˈë mëdiˈibë yˈijxypy wiˈix tijaty ttuny ets kyaj nyaytyukmëmadaˈagyëty wiˈix nyayjyawëty. Per nanduˈunën nyayjyëjpkuwitsëty ko ttunäˈäny mëdiˈibë oy o parë ttunët mëdiˈibë kyaj ttsojkënyëˈaty. Nˈokjamyajtsëm ko nnayjyëjpkuwijtsëm, yëˈë tuk pëky mëdiˈibë yajkypyë Diosë myëjääw. Pääty ko Jyobaa nˈamdoˈowëmë myëjääw mbäät nnayjyëjpkuwijtsëm (Luk. 11:13; Gal. 5:22, 23). Tyam xëmë tijaty nmëmäˈäy nmëdäjëm, per kyaj jeˈeyë naxwaˈtsënë ets njënäˈänëm ko jaanëm tijaty ndunäˈänëm ko yˈokˈoyëdë jukyˈäjtën. Mbäät näˈäty xytsyiptakxëm nduˈunëm tijaty të nduknibëjktakëm mët ko nˈijxëm ko kajaaduunk mëdiˈibë niwäˈägëyäˈänëm. Per mbäät wanaty wanaty nduuntsondakëm mëdiˈibë të ndukniwinmäˈäyëm. Extëm nˈokpëjktakëm, pën yëˈë niˈigyë nyaˈoyëyäˈänëm ja jäˈäyˈäjtën, ¿tiko wanaty wanaty nganayaˈoˈoyëm? Ets pën yëˈë ngäjpxtäˈäyäˈänëmë Biiblyë, ¿tiko wanaty wanaty ngakäjpxtsondakëm? w23.05 paj. 29 parr. 11-13
Mierkëlës 6 äämbë agostë
Ja oyjyaˈayë nyëˈë tyuˈu duˈun extëmë tëˈkx jäjjën ko xyëënyë, mëdiˈibë niˈigyë jäjp ko xëëw pyajnë (Prov. 4:18).
Jyobaa yëˈë yajtuumbyë nyax kyäjpn parë xynyëˈëmoˈoy xytyuˈumoˈoyëm mëdë Biiblyë ets duˈun xypyudëjkëm parë nˈyeˈeyˈadëtsëm ja nëˈë “Tuˈujë Wäˈätspë” (Is. 35:8; 48:17; 60:17). Ko tuˈugë jäˈäy tkupëky parë tˈëxpëkäˈänyë Biiblyë, duˈunxyëp extëm tkupëky ja nëˈë “Tuˈujë Wäˈätspë”. Ta näägë jäˈäy mëdiˈibë jyëjpˈyeˈeytyuttëp oy të tjapaduˈudëkëdë. Ets ta net mëdiˈibë wyinmäˈäny të tpëjktäˈäktë parë tˈyeˈeyˈadëˈëtsäˈändë axtë ko jyäˈttët mä të tnitsoonëdë. ¿Määjën jyäˈtäˈändë? Pënaty jukyˈatandëp tsäjpotm, ja “Tuˈujë Wäˈätspë” jam yajnëjkxëdë mä “ja lugäärë tsujpë mëdiˈibë Dios jyaˈäjtypy” (Apoc. 2:7, TNM). Ets pënaty jukyˈatandëp yä Naxwiiny, jam yajjäˈtäˈänëdë mä nety niˈamukë të njëmbijtënë wäˈätsjäˈäy ko jyëjpkëjxnët tuk mil mä Jesus të yˈaneˈemy. Pën mijts të xypyaduˈudëkë yäˈädë tuˈu, yeˈeyˈadëˈëts axtë ko mjäˈtët mä ja jembyë jukyˈäjtën. ¡Këdii xyjyëjpˈyeˈeytyuˈuty! w23.05 paj. 17 parr. 15; paj. 19 parr. 16-18
Jueebës 7 äämbë agostë
Dios jawyiin xytsyojkëm ëtsäjtëm. Pääty ëtsäjtëm ntsojkëm ja Dios (1 Fwank 4:19).
Ko xymyëjjawët tijatyë Jyobaa të mdukmëdunyëty, yëˈë ja mˈääw mjot yajjënäˈänaampy parë mnaywyandäˈägëdët mä Jyobaa (Sal. 116:12-14). Biiblyë jyënaˈany ko “tëgekyë oybyë esë tsujpë, Dios jaˈa yajkypy” (Sant. 1:17). Tuk pëky mëdiˈibë të xynyamoˈoyëm, yëˈë ko ojts xytyuknigajxëm ja yˈUˈunk parë ojts xykyuˈoˈkëm. Duˈun dyaˈˈawatsy ja nëˈë tuˈu parë mbäät nmëwingoˈonëm ets nbatëm ja jukyˈäjtënë xëmëkyëjxmbë (1 Fwank 4:9, 10). Ets wiˈix mbäät xytyukˈixyë Jyobaa ko mmëjjäˈäwëp tijaty të mdukmëdunyëty, yëˈë ko xytyukwandäˈägët ja mjukyˈäjtën (Deut. 16:17; 2 Kor. 5:15). w24.03 paj. 5 parr. 8