5
Diˈibë Biiblyë myaytyakypy
Jyobaa yëˈë myëdäjtypyë madakën parë yˈanaˈamët. Nipën oy kyaˈˈaneˈemy extëm yëˈë. Ets seguurë ko dyaˈˈadëwäˈäny diˈib të ttuknibëjtäägë parë tyäˈädë Naxwinyëdë ets parë jäˈäy.
Të nety nyaxyë jëmëjt 4026 k.m.J. Ja “tsäˈäny” tnibëdëˈëky pënë Jyobaa myëdäjtypyë madakën parë yˈanaˈamët ets wiˈix yˈaneˈemy. Jyobaa twandaˈaky ko tuˈugë “tëëm ääts” tkutaˈanëˈëgäˈäny ja tsäˈäny o Satanás (Génesis 3:1-5, 15; notë). Perë Jyobaa waanë jeˈeyë tiempë tnasˈixë parë naxwinyëdë jäˈäy këˈëm nyayˈanaˈamëdët mä Satanás yˈaneˈemy. |
1943 k.m.J. Jyobaa tˈanëëmë Abrahán ko mä yˈuˈunk yˈënäˈk pyëtsëmäˈäny ja “tëëm ääts” diˈib yajwandak (Génesis 22:18). |
Të nety nyaxyë jëmëjt 1070 k.m.J. Jyobaa tˈanëëmë David ets ok ja Salomón, ko mä fyamilyë myinäˈäny ja “tëëm ääts” diˈib yajwandak (2 Samuel 7:12, 16; 1 Reyes 9:3-5; Isaías 9:6, 7). |
29 J.t.m. Jyobaa tnigajpxy ko Jesus yëˈë duˈun ja “tëëm ääts” diˈib yajwandak ets ko yëˈë myëwëˈëmëp ja kyutujktaknë David (Gálatas 3:16; Lucas 1:31-33; 3:21, 22). |
33 J.t.m. Satanás, ja “tsäˈäny”, dyaˈoogyë Jesus, ets jeˈeyë tuk tiempë dyajtsayuty ja “tëëm ääts” diˈib yajwandak. Jyobaa dyajjukypyekyë Jesus, ta dyajjëmbity tsäjpotm ets dyajtsodëkë ja jyukyˈäjtënë wäˈätspë. Ta net mbäät yajmeˈkxyë poky kaytyey ets jyukyˈattët winë xëë ja Adángë tyëëm yˈääts (Génesis 3:15; Hechos 2:32-36; 1 Corintios 15:21, 22). |
Naa jaa 1914 J.t.m. Jesus tkujëbijpnaxy ja “tsäˈäny” yää Naxwiiny ets aguanë yää dyaˈity tuk tiempë (Revelación 12:7-9, 12). |
Diˈib miin këdakp Jesus ttsumyë Satanás tuk mil jëmëjt, ets ok, ta dyajkutëgoy. Duˈunën yajkutaˈanëˈëky. Ta net yˈadëy diˈibë Jyobaa tyuknibëjtakë parë tyäˈädë Naxwinyëdë etsë jäˈäy. Taanëmë Diosë xyëë wyaˈatsy mä axëëk të wyeˈemy, ets nanduˈun nyigëxëˈëky ko yëˈë diˈib mas oy anaˈamp (Revelación 20:1-3, 10; 21:3, 4). |